MATIUS 4:25 - KITTA' MATANGKASA'

²⁵ Jai sikalimi tau amminawang ri Isa anjo wattua. Nia' tu battu ri Galilea, tu battu ri Sampulo Kota, battu ri Yerusalem, tu battu ri Yudea, kammayatompa nia' todong tu battu ri pa'rasangang ba'leanna Binanga Yordan.

MATIUS 4:25 ပူးပေါင်းရင်းမြစ်များ

MATIUS 12:15

Naassengi Isa angkanaya niakkali ero' nibuno ri anjo tu Farisia. Jari a'lampami ambokoi anjo tampaka. Jaimi tau ampinawangi. Naballei ngasemmi sa'genna a'jari baji' sikontu tau garringa.

MATIUS 19:2

Jaimi tau ampinawangi. Naballeimi sikamma tau garring niaka anjoreng.

MATIUS 4:15

“Butta Zebulon siagang Naftali Ri oloang mangea ri tamparanga, ba'leanna Binanga Yordan, Butta Galilea tanapammantangia tu Yahudi!

MATIUS 5:1

Wattunna Nacini' Isa anjo tau jaia, nai'mi ri se'reang bonto. Ammemponamo, battu ngasemmi ana'-ana' gurunNa a'reppese'.

MATIUS 8:1

Naungi Isa battu ri bontoa, najaimo tau ampinawangi.

MARKUS 5:20

A'lampami anjo taua. Nappakkaramulamo nacarita lalang daera Sampuloa Kota, anjo apa le'baka Nagaukang Isa ri ia. Lannasa' ngasemmi taua allangngereki anjo kabaraka.

MARKUS 6:2

Ri allo Pammari-marianga, appakkaramulami angngajara' lalang ri balla' sambayanga. Jai tau anjoreng. Ri wattu nalangngere'na pangngajaranNa Isa, lannasa' sikalimi ke'nanga. Nakanamo ke'nanga, “Battu kemae ngasengi nagappa pangngajarang kammaya anne taua? Pangngissengang apa kutadeng, anne niaka ri taua? Antekamma nakkulle appa'nia' gau' appakalannasa'?

MARKUS 7:31

Le'baki anjo a'lampami Isa ambokoi daera Tirus, na Napatulusu' lampaNa, allalo ri Sidon mange ri Tamparang Galilea. Oloang allaloa ri daera Sampuloa Kota Naolo.

LUKAS 6:17

Le'baki anjo naummi Isa siagang tunisuroNa battu ri anjo bontoa, nampa ammantang ri se'reang parang lapparaka. Jai anjoreng ana'-ana' gurunNa maraenga, kammayatompa jai tommi tau battu a'rappungang, battu ri kere-keremae: tu battu ri sikontu pa'rasangang Yudea, Yerusalem, kota-kota Tirus, siagang Sidon kota anjorenga ri biring tamparanga.

LUKAS 6:19

Ero' ngasemmi taua anseroi Isa, nasaba' nia'na koasa assulu' battu ri KalenNa, akkullea amballei garrinna ke'nanga.