MATIUS 4:23 - KITTA' MATANGKASA'

²³ Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

MATIUS 4:23 ပူးပေါင်းရင်းမြစ်များ

PAMMUJI 103:3

Iami ampamopporangi sikontu dosanu, ampamollei sikontu garrinnu,

PAMMUJI 74:8

Eroki ke'nanga ampatundu' taba sikali ikambe, na natunu ngaseng sikontu tampa' ibadaya ri anne pa'rasanganga.

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

MATIUS 12:9

Nabokoimi Isa anjo tampaka nampa mange ri balla' sambayanga.

MATIUS 13:19

Anjo bine takkioroka ri aganga, iaminjo a'jari pangngebarang mae ri tau allangngerekami ri passala' antekamma bateNa Allata'ala ammarenta, mingka tanapahangai anjo kabaraka. Battui kaja'dallanga angngalleangi anjo apa le'baka nipakioro' ri atinna ke'nanga.

MATIUS 13:54

nampa ammotere' mange ri pa'rasanganNa. Battuna mange anjoreng, mangemi ri sikamma balla' sambayanga angngajara'; na lannasa' ngasemmo taua allangngereki anjo apa Napangngajarranga. Nakanamo ke'nanga, “Battu kemaei anggappa pangngassengang kammaya anjo anne Taua? Battu kemaei anggappa koasa kammaya lompona Nakkulle anggaukangi gau'-gau' appakalannasaka?

MATIUS 14:14

Ri wattunna naung Isa battu ri biseanga, Nacini'mi anjo tau jaia. Tu'guru'mi pangngamaseanNa Isa anciniki ke'nanga. Naballeimi sikamma tau garringa, niaka todong battu.

MATIUS 24:14

Na lanibirittakammo ri sikontu linoa Kabara' Bajika, ri passala' antekamma batena ammarenta Allata'ala, sollanna nalangngere' ngaseng taua. Le'baki anjo nampami battu allo kiamaka.”

MATIUS 3:2

“Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

MATIUS 9:35

Kammaminjo pa'lampanna Isa akkuliling battu ri se'reang kota mange ri kota maraenga; battu ri se'reang kampong mange ri kampong maraenga. Angngajara'mi lalang ri sikamma balla' sambayanga, siagang Napabattumi Kabara' Kasalamakkanga, ri passala' antekamma bateNa ammarenta Allata'ala salaku Karaeng. Naballei ngasemmi tau garringa na'jari baji' ngasemmo. Na anjo tau garringa a'rupa-rupai garrinna siagang kasessanna. Kammayatompa tu sala-salanga nabajiki ngaseng tommi.

MARKUS 1:14

Nitarungkunamo Yohanes, a'lampami Isa mange ri Galilea ampabattui Kabara' Baji' battua ri Allata'ala anjoreng.

MARKUS 1:21

Battui Isa siagang ana'-ana' gurunNa ri kota Kapernaum. Ri allo Pammari-marianna poleanga, antama'mi Isa ri balla' sambayanga na appakkaramula angngajara'.

MARKUS 1:39

Jari a'lampami Isa a'la'bang ri sikontu Galilea. Akkato'bami lalang ri sikamma balla' sambayanga. Siagang Nabongka ngasemmi setang-setanga battu lalang ri kalenna sikamma tau nisosoka ri setang.

MARKUS 3:10

Sanna' jaina tau Naballei na'jari baji'. Sa'genna sisorong-sorong ngaseng minjo tau garringa, massing ero' a'reppese' nakkulle nasero Isa.

MARKUS 6:2

Ri allo Pammari-marianga, appakkaramulami angngajara' lalang ri balla' sambayanga. Jai tau anjoreng. Ri wattu nalangngere'na pangngajaranNa Isa, lannasa' sikalimi ke'nanga. Nakanamo ke'nanga, “Battu kemae ngasengi nagappa pangngajarang kammaya anne taua? Pangngissengang apa kutadeng, anne niaka ri taua? Antekamma nakkulle appa'nia' gau' appakalannasa'?

MARKUS 6:6

Lannasaki Isa lanri tenana natappa' ke'nanga ri Ia. Nampa a'lampa Isa mange angngajara' ri kampong niaka a'reppese' anjoreng.

LUKAS 10:9

Balleimi tau garringa ri anjo kotaya, siagang birittakammi mae ri sikamma taua anjoreng angkanaya, ‘Tasalloami Nalappakkaramula Allata'ala ammarenta salaku Karaeng ri tangnga-tangnganu ngaseng.’

LUKAS 13:10

Ri se'reang allo Pammari-marianga, angngajaraki Isa ri se'reang balla' sambayang.

LUKAS 16:16

Sikamma atorang battua ri Musa siagang pangngajaranna na'bi-na'bia tuli nipakei sa'genna battu Yohanes Paje'ne'. Pakkaramula anjo wattua tuli nibirittakammi Kabara' Baji' ri passala' antekamma bateNa ammarenta Allata'ala. Siagang napassami kalenna taua a'boya oloang ero' antama' a'jari umma'Na Allata'ala.

LUKAS 20:1

Ri se'reang allo, sitabangi angngajara' Isa, siagang Napabattui Kabara' Baji' battua ri Allata'ala, mae ri tau niaka lalang ri Balla'Na Batara. Battu tommi imang-imang kapalaya, guru-guru agamaya, kammayatompa pamimping-pamimpinna tu Yahudia.

LUKAS 4:14

Le'baki anjo ammotere'mi Isa mange ri Galilea. Na nikoasai ri RohNa Allata'ala. Tassiara'mi kabara'Na ri sikontu anjo daeraya.

LUKAS 5:17

Nia' se're allo, ri wattunna angngajara' Isa, na nia' siapa are tu Farisi siagang guru-guru agama ammempo ampilangngeri. Tu battui ke'nanga ri Yerusalem siagang kota-kota niaka ri Galilea siagang Yudea. Niaki ri KalenNa Isa koasaNa Allata'ala untu' amballei na'jari baji' sikamma tau garringa.

LUKAS 6:17

Le'baki anjo naummi Isa siagang tunisuroNa battu ri anjo bontoa, nampa ammantang ri se'reang parang lapparaka. Jai anjoreng ana'-ana' gurunNa maraenga, kammayatompa jai tommi tau battu a'rappungang, battu ri kere-keremae: tu battu ri sikontu pa'rasangang Yudea, Yerusalem, kota-kota Tirus, siagang Sidon kota anjorenga ri biring tamparanga.

LUKAS 6:6

Ri se'reang allo Pammari-mariang maraenga, a'lampai Isa angngajara' ri balla' sambayanga. Anjoreng ri balla' sambayanga, nia' sitau mate siali limanna.

LUKAS 7:21

Anjo wattua, sitabangi jai tau Naballei Isa, siagang jai roh ja'dala' Nabongka; kammayatompa jaimi tau buta Napa'jari accini'.

LUKAS 7:22

Jari appialimi Isa Nakana, “Ammotere' mako mae ri Yohanes na nupauang apa le'baka nulangngere' siagang nucini': accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, siagang nibirittakammi Kabara' Baji' battua ri Allata'ala, mae ri tu kasi-asia.

LUKAS 8:1

Tena nasallo ribokoanganna, a'lampami Isa mange ri kota-kotaya, siagang ri kampong-kamponga, untu' ambirittakangi Kabara' Bajika, angkanaya lappakkaramulami ammarenta Allata'ala salaku Karaeng. Nia' tongi ana' gurunNa sampuloa anrua amminawang.

LUKAS 9:11

Mingka naassenna taua angkanaya la'lampai Isa, amminawang tommi ke'nanga. Nitarimami ke'nanga ri Isa, nampa Nacarita ri ke'nanga ri passala' antekamma bateNa ammarenta Allata'ala salaku Karaeng. Kammayatompa Naballei tommi tau garringa na'jari baji'.

LUKAS 9:60

Appialimi Isa Nakana, “Lappassammi tau matea antarawangi tau matena. Mingka ikau, a'lampamako siagang pa'la'bammi birittaya, angkanaya appakkaramulami Allata'ala ammarenta.”

YOHANES 18:20

Appialimi Isa Nakana, “Tuli silambusu'na bateKu a'bicara ri dallekanna tau jaia. Tuli angngajarakKa' ri sikamma balla' sambayanga siagang Balla'Na Allata'ala, tampa' biasaya napa'rappungi tu Yahudia. Tena le'bakai nia' apa-apa Kupau cokko-cokko.

YOHANES 6:59

Yangasenna anjo Napaui Isa ri wattunNa angngajara' lalang ri balla' sambayanga ri Kapernaum.

YOHANES 7:1

Le'baki anjo a'lampami Isa ri kere-keremae ri pa'rasangang Galilea. Taerokai mange ri daera Yudea, lanri ero'na tukoasana tu Yahudia anjoreng ambunoi.

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

LAMPA-LAMPANA 18:4

Mingka punna narapi' allo Pammari-marianga, a'lampami Paulus mange ri balla' sambayanga. A'bicarami siagang tu Yahudia kammayatompa tu Yunania, sollanna tappa' ke'nanga mae ri Isa.

LAMPA-LAMPANA 20:25

Le'ba' ngaseng mako massing kukunjungi, siagang le'ba' ngaseng tommi kupabattu mae ri kau ri passala'na Allata'ala siagang PamarentahanNa. Kamma-kamma anne nia'mi ri pakkasiakku angkanaya iaminne kala'busangku assicini' siagang ikau ngaseng.

LAMPA-LAMPANA 28:31

Napabattumi siagang barani mae ri ke'nanga antekamma bateNa ammarenta Allata'ala, kammayatompa ri passala'na Isa Almasi. Nagaukammi Paulus sikammaya anjo siagang laloasa, tena tau anghalang-halangi.

ROMA 10:15

Kammayatompa pole, antekamma lakkulle taua ampabattui anjo birittaya punna tena nanisuroi ke'nanga? Nia' tattulisi' lalang ri Kittaka angkanaya, “Teai sipato' baji'na kabattuanna tau angngeranga Kabara' Baji' battu ri Allata'ala.”