MATIUS 4:18 - KITTA' MATANGKASA'

¹⁸ Ri wattu a'jappana Isa ri birinna Tamparang Galilea, nia'mo Nacini' rua paboya juku', iamintu niarenga Simon (Nigallaraka Petrus) siagang andi'na niarenga Andreas. Sitabangi ke'nanga anjala juku' ri tamparanga.

MATIUS 4:18 ပူးပေါင်းရင်းမြစ်များ

KALAPPASSANG 3:1

Anjo wattua nakalawaki Musa sikamma gimbala'na siagang bembena Yitro, iamintu matoanna, imanga ri butta Midian. Ri wattunna naemba anjo olo'-olo' piaraya anta'leang ri parang lompoa, battumi mange ri Moncong Sinai, iamintu moncong matangkasaka.

KALAPPASSANG 3:10

Kamma-kamma anne Kusuroko untu' mange andallekang ri Karaeng Mesir sollanna akkulle nupimping bansaKu assulu' battu ri anjo pa'rasanganga.”

YEHEZKIEL 47:10

Battu ri timbuseng-timbuseng je'ne' ri En-Gedi sa'genna timbuseng-timbuseng je'ne' En-Eglaim, biring-birinna lasuaraki napakamma paboya juku' angngalloi jalana anjoreng. Sangka' rupa juku' lania' lalang ri anjo je'neka, sangkamma niaka ri Tamparang Tangngaya.

PAMMILANGNGANG 34:11

Battu anjoreng na naung mange ri Ribla ri bageang rayanganna Ain, nampa tulusu' mange ri bulu'-buluka ri biring rayanganna Tamparang Galilea,

MATIUS 10:2

Naia arenna anjo sampuloa anrua ana'-ana' gurunNa, iaminne: uru-uruna iamintu Simon (nigallaraka Petrus) siagang sari'battanna niarenga Andreas; nampa Yakobus siagang sari'battanna niarenga Yohanes, niarenga Zebedeus manggena.

MATIUS 15:29

Nabokoimi Isa anjo tampaka, nampa a'jappa ri birinna Tamparang Galilea. Nampa nai' ammempo ri se'reang bonto.

MATIUS 16:18

Lanri kammana, siratangi nuasseng angkanaya, ikau mintu Petrus, batu makassaka. Iratemi ri tompo'na anne batu pa'dongkokanga laKupaenteng garejaKu, tenaya lambetai, manna pole kamateanga.

MATIUS 4:19

Nakanamo Isa ri ke'nanga, “Maeko amminawang ri Nakke. LaKuajarakko a'jari sanrapang pajala tau.”

MARKUS 7:31

Le'baki anjo a'lampami Isa ambokoi daera Tirus, na Napatulusu' lampaNa, allalo ri Sidon mange ri Tamparang Galilea. Oloang allaloa ri daera Sampuloa Kota Naolo.

LUKAS 6:14

Simon (nigallaraka Petrus,) siagang sari'battanna niarenga Andreas; na Yakobus siagang Yohanes, Filipus siagang Bartolomeus,

YOHANES 21:1

Le'baki anjo Napappicinikammi pole KalenNa Isa ri ana'-ana' gurunNa, ri wattunna nia' ana'-ana' gurunNa ri Tamparang Tiberias. Kammaminne kajarianna:

YOHANES 6:1

Siapa are allo ribokoanganna a'lampami Isa anta'le ri ba'leanna Tamparang Galilea, niarenga todong Tamparang Tiberias.

YOHANES 6:8

Nakanamo ana' gurunNa Isa maraenga, iamintu Andreas, sari'battanna Simon Petrus,

PAOLE 3:17

Ri bageang ilau', daerana ke'nanga narapiki sa'genna ri Binanga Yordan, battu ri Tamparang Galilea bageang wara' sa'genna ri Tamparang Matea ri bageang timboro', tulusu' sa'genna ri bangkeng Moncong Pisga ri bageang iraya.