MATIUS 4:15 - KITTA' MATANGKASA'

¹⁵ “Butta Zebulon siagang Naftali Ri oloang mangea ri tamparanga, ba'leanna Binanga Yordan, Butta Galilea tanapammantangia tu Yahudi!

MATIUS 4:15 ပူးပေါင်းရင်းမြစ်များ

1 KARAENG-KARAENG 9:11

Sikontu kayu camara Libanon siagang kayu camara biasa kammayatompa bulaeng naparalluanga Salomo untu' ambangungi anjo ballaka nisareang ngasengi ri Karaeng Hiram. Ri le'ba'namo anjo jama-jamanga nisaremi Karaeng Hiram ri Karaeng Salomo ruampulo kota ri daera Galilea.

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

YESAYA 9:1

Bansa attallasaka lalang ri sassanga lacciniki singara' lompo. Ia ammantanga lalang ri bayang-bayang kamateanga lanisingari ri cayana singaraka.

MATIUS 4:13

Nabokoimi Nazaret, nampa mange ammantang ri Kapernaum, ri birinna Tamparang Galilea, ri daera Zebulon siagang Naftali.

MATIUS 4:14

Lanri Nagaukannamo Isa kammaya anjo, a'rupami apa le'baka napau Na'bi Yesaya, angkanaya,

MATIUS 4:25

Jai sikalimi tau amminawang ri Isa anjo wattua. Nia' tu battu ri Galilea, tu battu ri Sampulo Kota, battu ri Yerusalem, tu battu ri Yudea, kammayatompa nia' todong tu battu ri pa'rasangang ba'leanna Binanga Yordan.

LUKAS 24:27

Le'baki anjo nipakasingariammi ri Isa ke'nanga, sikamma apa le'baka tattulisi' lalang ri Kittaka, ansero kanayai KalenNa. Napakasingara'mi appakkaramula battu ri kitta'-kitta'na Musa sa'genna kitta'na na'bi-na'bia.

YOSUA 20:7

Jari ri daera laukanna Binanga Yordan napattantumi umma' Israel kota-kota palarianga, iamintu: Kedes ri pa'monconganna suku Naftali ri Galilea, Sikhem ri pa'monconganna suku Efraim, siagang Hebron ri pa'monconganna suku Yehuda.