MATIUS 3:12 - KITTA' MATANGKASA'

¹² Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

MATIUS 3:12 ပူးပေါင်းရင်းမြစ်များ

AYUB 21:18

Le'bakkai ke'nanga rapang rarame siagang limbu'bu' niri'bakang ri anging puttusu' siagang anging allaloa?

PAMMUJI 1:4

Ta'bale'na ri tu ja'dalaka: rapangi awang niri'bakang ri anging.

PAMMUJI 35:5

Boli'mi kamma niondang ke'nanga ri malaeka'Na Batara, sanrapang awang nipasiara' ri anging.

YESAYA 1:31

Rapangi rarame akkanrea lanri nitaba ri racci' bara pepe', kamma tomminjo sikamma tukoasaya lanipanraki lanri panggaukang-panggaukang kalenna tonji ke'nanga, iamintu kaja'dallanna ke'nanga. Nampa tena tau akkulle ampamari anjo kaancuranna.

YESAYA 17:13

Majui ke'nanga rapang a'ba sannaka lompona. Mingka Niancangi ke'nanga ri Allata'ala, nampa lari ke'nanga sa'genna bella lampana. Niondangi ke'nanga rapang awang niri'bakang ri anging nai' ri buluka, yareka rapang limbu'bu' nitui' ri anging lompoa.

YESAYA 27:4

Tenamo naKularro. Ebara' angkana nia' ruku' yareka rompo' katinting, laKupa'lanynyaki, laKutunui sa'genna cappu' ngaseng.

YESAYA 28:28

Ri wattunna nalessoro' anjo gandunga, tena napatunrung tulusu'na sa'genna ancuru'. Tena! Naassengi antekamma carana allessoroki siagang baji'; a'dongkoki rate ri karobaya natenaja naancuru' lisere'na anjo gandunga.

YESAYA 30:24

Sapi lakia siagang keledai appa'jekoa ri kokonnu langnganrei ruku' kaminang baji' le'baka nisa'lakkangi.

YESAYA 41:16

Lanutapi ke'nanga, nampa niri'bakang ri anging ke'nanga nipasimbung ri anging lompo. Larannui pa'mai'nu lanri Nakke, Batara, lompoi pa'mai'nu lanri Nakke, Allata'alana Israel

YESAYA 5:24

Nutollaki ajaranNa Batara Kaminang Koasaya, na nuhina parentaNa Allata'ala matangkasa'na tu Israel. Lanri kammana anjo, rapang rarame siagang ruku' kalotoro' la'busu' nakanre pepe', kamma tomminjo aka'-aka'nu la'jari bottoki, bunga-bungannu la'jari kalotoroki na la'busu' nairi' anging.

YESAYA 66:24

Wattunna a'lampa ke'nanga, lanaciniki ke'nanga maya'na sikamma tau le'baka angngewa ri Nakke. Anjo olo' angkanreai ke'nanga talamateai, siagang pepe' angkanreai ke'nanga talamateai rinrana; apa appakamalla' dudua mae ri sikontu tau ancinikai.”

YEREMIA 15:7

Ri tunggala' kotaya ri anne pa'rasanganga lanipelakko rapang rarame. Manna pole ikau ummakKuko mingka laKupanrakiko siagang ana'-ana'nu lanri teanu ampinrai batenu attallasa'.

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEREMIA 4:11

Lania' wattunna sallang anjo tu Yehuda siagang pandudu'na Yerusalem anggappai kabara' angkanaya ammiriki anging bambanga battu ri paranga tattuju mae ri ke'nanga. Anjo anginga teai anging biasa, anri'bakanga bawang awang,

YEREMIA 51:2

LappabattuA' bansa maraeng untu' angngancuruki Babel, rapang anging anri'bakang awang gandung. Ri anjo allo battuna balaya, lanabunduki ke'nanga anjo pa'rasanganga battu ri kere-keremae, siagang nabarrasaki sa'genna tangkasa'.

YEREMIA 7:20

INakke, Batara Kaminang Tinggia, lampitujui pangngalarroi lompoKu anne balla' panynyombanga, rupataua siagang olo'-oloka, kammayatompa poko'-poko' kayua siagang wassele' buttaya. La'rinra-rinrai larroKu rapang pepe' tenaya nakkulle nibuno.”

HOSEA 13:3

Lanri kammana anjo lalanynya' kabusuki anjo taua rapang allung yareka saliuka ri wattu bari'basa'na alloa. Lasanrapangi ke'nanga limbu'bu' niri'bakang ri anging ri panggilingang gandunga, siagang sanrapang umbu assuluka battu ri rateanna pattunuanga.

AMOS 9:9

LassareA' parenta siagang laKutapi bansa Israel rapang tau attapi gandung lalang ri pattapia. Untu' ampela' kabusuki tenaya bua'-bua'na battu ri ke'nanga, laKugoccangi ke'nanga ri alla'na bansa-bansaya.

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

MATIUS 13:30

Lappassammi attimbo todong anjo reaya sa'genna narapi' wattu pakkattoanga. Lakusuroi sallang pakattoa angkana: Passe'rei rolong anjo reaya siagang sikko' ngasengi nampa nitunu pepe'. Le'baki anjo passe'remi anjo asea, nampa nuboli' lalang ri pammantanganna.’ ”

MATIUS 13:41

LaNasuroi malaeka'-malaeka'Na Ana' Ma'rupataua ampasse're ngasengi sikontu tau a'jari passabakkanga na'gau' dosa taua, kammayatompa sikontu tau a'gau' ja'dalaka.

MATIUS 13:42

Lanipela' ngasengi ke'nanga antama' ri bara pepe' a'rinra-rinraya; anjoremmi ke'nanga langngarru'-arru', angkasiaki sessaya.

MATIUS 13:43

Na sikontu tau anggaukangai ero'Na Allata'ala laccayami sanrapang mataalloa lalang ri Lino BeruNa Allata'ala, a'jaria Manggena ke'nanga. Jari, punna nia' tolinnu, pilangngerimi baji'-baji'!”

LUKAS 3:16

Jari nakanamo Yohanes ri ke'nanga, “Inakke je'ne' kupake anje'nekko, mingka nia' labattu tau lompoanganga na inakke. Manna alla'gasia otere' sapatuNa tena todong kusiratang. Iami sallang lanje'nekko siagang RohNa Allata'ala siagang pepe'.

LUKAS 3:17

Nia'mi lalang limanNa pa'dinginga, untu' laNapake antapi sikamma berasaka sa'genna tangkasa'. LaNapasse'rei berasaka lalang ri pammolikanna; mingka awanga laNatunui ri pepe' tenaya nalammari rinrana!”

YOHANES 15:2

Sikamma tangke-tangke niaka ri Nakke nata'rappoa, lanipelaki. Na sikamma tangke-tangke a'rappoa, lanitangkasi sollanna pila' jai rapponna.