MATIUS 28:7 - KITTA' MATANGKASA'

⁷ A'lampamako linta' mange ampauangi ana'-ana' gurunNa angkanaya, ‘Atallasa' poleammi battu ri kamateanNa, na kamma-kamma anne a'lampa riolomi mange ri Galilea. Anjoremmi sallang lanucini'!’ U'rangi laloi anne kupabattua.”

MATIUS 28:7 ပူးပေါင်းရင်းမြစ်များ

YESAYA 44:8

He, bansaKu, teako mallakki yareka teako ta'bangkai; sai battu riolo iji sa'genna kamma-kamma anne le'ba'mi Kutappu riolo apa lakajarianga? Kau ngasemmi sa'bi-sa'bingKu. Tena pajaga maraeng siagang tena Kuasseng maraeng.”

YESAYA 45:21

Pamajumi parkaranu, paridallekammi butti-buttina, iyo, boli'mi kamma appare' ke'nanga passitujuang. Inaika angkabarrangi anjo passalaka siagang le'ba' ampaui baku' battu riolo iji? Sai iNakke, Bataraya? Tena allata'ala pantaranganna iNakke. INakkemi Allata'ala adeleka siagang Mappasalamaka, tena maraeng pantaranganna iNakke!

MATIUS 24:25

Jari, u'rangi memangi! Kupauang mako anne la'bi riolo ri tenanapa nakajariang.

MATIUS 26:32

Mingka punna attallasa' poleangA', la'lampa rioloA' mange antayangko ri Galilea.”

MATIUS 28:10

Nakanamo Isa ri ke'nanga, “Teako mallakki, a'lampamako mae ri sikamma sari'battangKu na nupauang sollanna a'lampa ke'nanga mange ri Galilea; anjorempA' sallang nacini' ke'nanga.”

MATIUS 28:8

Akkaro-karomi anjo bai'-bainea a'lampa ambokoi anjo jeraka. Sanna' malla'na ke'nanga, mingka sanna' todong rannuna ngaseng nyawana. Larimi ke'nanga mange ampabattui ri ana'-ana' gurunNa Isa.

MARKUS 14:28

Mingka punna attallasa' poleamMa', la'lampa rioloA' mange ri Galilea.”

MARKUS 16:10

A'lampami Maria ampabattuangi agang-aganNa Isa anjo apa kajarianga, sitabanga susa siagang angngarru'. Le'baki anjo, KalenNa Isa tete ri ana'-ana' gurunNa ampa'la'bangi battu raya sa'genna kalau' anjo kabara' matangkasaka siagang mannannunganga ri passala'na kasalamakkang satunggu-tunggua.]

MARKUS 16:13

Jari ammotere'mi anjo ruaya ana' gurunNa mange ampabattui anjo kajarianga mae ri agang-aganna maraenga. Mingka tatappakai ke'nanga.

LUKAS 24:34

Nakanamo ke'nanga, “Ma'nassa attallasa' poleammi Batara! Le'ba'mi Napappicinikang KalenNa ri Simon!”

YOHANES 14:29

Kupau memammi kamma-kamma anne ri kau ngaseng, lalang ri tenanapa nakajariang. Sollanna punna kajariammo sallang, la'jari tappa' ngaseng mako.

YOHANES 16:4

Mingka kamma-kamma anne Kupaumi anjo passalaka mae ri kau, sollanna punna kajariammo sallang, akkullei nuu'rangi angkanaya le'ba' memang mako Kupauang.” “Tena naKupauang memangko anne passalaka battu ri uru-uruna, nasaba' nia' ijA' anrurungangko.

1 KORINTUS 15:4

le'ba'mi nitarawang, mingka nipattallasa' poleammi ammotere' ri makatalluna alloa. Ia anjo tattulisi' tommi lalang ri Kittaka.

1 KORINTUS 15:6

Le'baki anjo Napappicinikang tommi KalenNa mae ri la'bia limambilangngang tu matappa'Na. Jai ri ke'nanga attallasa' iji sa'genna kamma-kamma anne, nampami siapa are tau ammoterang.