MATIUS 28:1 - KITTA' MATANGKASA'

¹ Allalonamo allo Pammari-marianga, iamintu ri allonna Minggua, ri bari'basa' dudua, a'lampami Maria Magdalena siagang Maria maraenganga, mange assiara ri jera'Na Isa.

MATIUS 28:1 ပူးပေါင်းရင်းမြစ်များ

DANIEL 6:19

Nampa ammotere'mo karaenga ri balla' karaenga. Taerokai angnganre yareka nisaleori. Siagang sila'busu' bangngi takkullea attinro.

MATIUS 27:56

Nia' tommi anjoreng Maria Magdalena, Maria amma'na Yakobus siagang Yusuf, kammayatompa anrong ana'-ana'na Zebedeus.

MATIUS 27:61

Mingka Maria Magdalena siagang Maria se'rea, ammantangiji ammempo andallekangi anjo jeraka.

LUKAS 23:56

Le'baki nitarawang Isa, ammotere'mi ke'nanga appasadia bunga-bunga siagang minynya'-minynya' bau', ero' napake amminynya'-minynyaki maya'Na Isa. Ri wattunna allo Pammari-mariang, ammari-marimi ke'nanga massing ri jama-jamanna, sollanna naturuki ke'nanga apa napassuroanga agamaya.

LUKAS 24:1

Ri wattunna allo Minggu, ri bari'basa' dudua, a'lampami anjo bai'-bainea mange ri jeraka angngerangi anjo bunga-bunga le'baka napasadia ke'nanga.

LUKAS 24:22

Nampa nia'mo siapa are bai'-baine battu angngerang kabara', sannaka appata'bangkana. Bari'basa' duduiji namange ke'nanga ri jera'Na Isa.