MATIUS 27:66 - KITTA' MATANGKASA'

⁶⁶ A'lampami ke'nanga mange ri jeraka. Najarrekimi ke'nanga anjo batu pannongko'na jeraka. Nampa nasuro surudadua a'jaga ri dallekanna anjo jeraka, sollanna tena tau angkaccaki.

MATIUS 27:66 ပူးပေါင်းရင်းမြစ်များ

DANIEL 6:17

Jari kale'bakkanna naparentakammi karaenga sollanna nijakkala' Daniel nampa nipasambila antama' ri leang singaya. Nakana karaenga ri Daniel, “Dasi-dasi naanjo Allata'alanu nusombaya siagang pa'mai' tamamminra ampasalamakko.”

MATIUS 27:60

Nampa naerang anjo maya'Na Isa mange natarawang ri jera' napareka kalenna. Anjo jeraka lalangi ri bulu' batua nipare'. Le'baki napantama' maya'Na Isa, nagulungimi batu lompo nampa natongko' pakke'bu'na anjo jeraka, nampa a'lampa.

MATIUS 27:65

Nakanamo Pilatus ri ke'nanga, “Nia' surudadu pangawala'nu. A'lampamako suro jagai baji'-baji'anjo jeraka.”

MATIUS 28:11

Lalang a'lampana anjo bai'-bainea, nia'mo siapa are Surudadu a'jagaya ri jeraka, ammotere' ri kotaya. Mangei nalaporo' ke'nanga ri imang-imang kapalaya sikamma anjo apa le'baka kajariang.

MATIUS 28:2

Ti'ring ta'ge'goso' sanna'mi buttaya. Nampa nia'mo malaeka'Na Batara manaung battu ri suruga mange anggulungi assulu' anjo batu antongkokiai jera'Na Isa, nampa nai' ammempo ri tompo'na anjo batua.

YOHANES 20:1

Ri bari'basa'na allo Minggua, ri wattu sassanna ija, a'lampami Maria Magdalena mange ri jeraka. Mingka ta'lesammi nacini' batu pattongko'na anjo jeraka.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

YOSUA 10:18

Nakanamo Yosua, “Gulungi anne batu-batu lompoa mange ri bawana anjo kali'bong batua, siagang suroi tantaraya a'jaga anjoreng,

PAPPICINI' 20:3

Nampa napela' malaekaka anjo nagaya antama' ri tubiri'na kamateanga, nampa nakonci siagang nasegele' anjo tubirika sollanna tenamo nakkulle antipui bansa-bansaya ilalang tenanapa nala'busu' anjo wattu sisa'bua taung. Le'baki anjo nilappassammi ammotere' untu' poro sinampekang.