MATIUS 27:63 - KITTA' MATANGKASA'

⁶³ Na angkana ke'nanga, “Nau'rangi ikambe angkanaya ri wattu attallasa'na anjo patipua le'baki angkana, ‘Ri makatalluna alloa lattallasa' poleangA'.’

MATIUS 27:63 ပူးပေါင်းရင်းမြစ်များ

MATIUS 16:21

Anjo wattua appakkaramulami a'bicara silambusu'na Isa mae ri ana'-ana' gurunNa, angkanaya takkulleai ta'lampa mange ri Yerusalem angkasiaki passessa jaia. Iamintu passessa battua ri pingga'-pinggawana tu Yahudia, imang-imang kapalaya, kammayatompa guru-guru agamaya. Lanibunoi, mingka lanipattallasa' poleangi battu ri kamateanga ri makatalluna alloa!

MATIUS 17:23

Lanibunoi, mingka lambangung poleangi ri makatalluna alloa.” Jari sanna' ngasemmi si'nana atinna ana'-ana' gurunNa.

MATIUS 20:19

nanipassareang ri tau teai bansa Yahudi. Lanicau-caui ri ke'nanga, lanisessai, nampa nisalli' ri ke'nanga. Mingka ri makatalluna alloa lanipabangungi pole ammotere'.”

MATIUS 26:61

“Anne taua le'baki angkana, ‘Akkullei Kurumbang anne Balla'Na Allata'ala, nampa Kupabangung poleang ri makatalluna alloa.’ ”

MATIUS 27:64

Jari suro jagai baji'-baji' anjo jeraka sa'genna tallungalloa, sollanna tena nabattu ana'-ana' gurunNa allukkaki maya'Na, nampa nakabarrang angkana attallasa' poleammi battu ri kamateanga. Na anne pannipuang ri boko dudua lakodiangangi na pannipuang rioloa.”

MATIUS 28:6

Mingka tenami anrinni. Nasaba' attallasa' poleammi situru' kananNa pirangalloang. Mae mako na nucini' le'ba' pammantanganNa.

MARKUS 10:34

Lanipare' kare'-karenangi ri ke'nanga, nipi'rui, nisessai, nampa nisalli' ri ke'nanga. Mingka ri makatalluna alloa, lattallasa' poleangi.”

MARKUS 8:31

Le'baki anjo, appakkaramulami Naajara' Isa ana'-ana' gurunNa angkanaya, musti jai passessa laNagappa Ana' Ma'rupataua. Siagang lanimusui ri pamimping-pamimpinga, ri imang-imang kapalaya, kammayatompa guru-guru agamaya. Lanibunoi, mingka ri makatalluna alloa lattallasa' poleangi.

MARKUS 9:31

nasaba' sitabangi Naajara' ana'-ana' gurunNa, “Lanipassareangi Ana' Ma'rupataua mae ri koasana tu linoa, nampa nibuno; mingka ri makatalluna alloa lattallasa' poleangi!” Kammaminjo kananNa Isa.

LUKAS 18:31

Napa'rappungammi Isa ana'-ana' gurunNa ri tampa' anynya'laka. Nampa Nakana ri ke'nanga, “Pilangngeri! Kamma-kamma anne a'lampaki' mange ri kota Yerusalem. Anjoreng lakajariammi sikamma apa le'baka natulisi' na'bi-na'bia ri passala'na Ana' Ma'rupataua.

LUKAS 18:33

Lanisessai siagang lanibunoi ri ke'nanga, mingka lattallasa' poleangi battu ri kamateanga ri makatalluna alloa.”

LUKAS 23:2

Anjoreng ri dallekanna Pilatus, nitudumi Isa ri ke'nanga. Nakana ke'nanga, “Anne taua nirapikangi Napasala oloangi ra'yaka. Naajara' salai taua sollanna tena naero' taua a'bayara' sima ri Karaenga, lanri Nakanana KalenNa Iami Almasi, Karaenga.”

LUKAS 9:22

Nakana pole Isa, “Lajai memang tongi passessa laNakasia' Ana' Ma'rupataua, siagang lanimusui ri pamimping-pamimpinga siagang imang-imang kapalaya, kammayatompa guru-guru agamaya. Lanibunoi, mingka ri makatalluna alloa lanipabangung poleangi ammotere'.”

YOHANES 2:19

Appialimi Isa Nakana, “Allemi runtung anne Ballaka, na nampa Kupabangung poleang lalanna tallungalloa.”

YOHANES 7:12

Jaimi tau ampa'bici'-bicikangi Isa. Nia'mo angkana, “Tau baji' anjo taua.” Nia' tommo angkana, “Tena! Napasala oloangi tau jaia.”

YOHANES 7:47

Nakanamo tu Farisia, “Maka napasala oloang ngaseng tommako anjo Taua?

2 KORINTUS 6:8

Nipakala'birikki' mingka nihina tongki'; nipujiki' mingka nipa'boyang tongki' kodi. Manna kilambusu' pa'mai', nipakkanai tonjaki' paballe-balle.