MATIUS 27:60 - KITTA' MATANGKASA'

⁶⁰ Nampa naerang anjo maya'Na Isa mange natarawang ri jera' napareka kalenna. Anjo jeraka lalangi ri bulu' batua nipare'. Le'baki napantama' maya'Na Isa, nagulungimi batu lompo nampa natongko' pakke'bu'na anjo jeraka, nampa a'lampa.

MATIUS 27:60 ပူးပေါင်းရင်းမြစ်များ

PA'JARIANG 50:5

‘Ri wattu a'reppese'namo a'jala'na manggena atanta, nasuroi a'janji atanta ri ia, angkanaya lanatarawangi atanta ilalang ri jera' le'baka napasadia ri butta Kanaan. Lanri kammana, kisaremi pangngellai atanta a'lampa untu' antarawangi manggena atanta. Le'baki anjo lammotere'mi atanta.’ ”

YESAYA 22:16

“Nukana inaika kalennu? Apa ha'nu sa'genna nupare' jera' kalennu ri anjo bulu' batua?

YESAYA 53:9

Nipasitarawangi siagang tau ja'dalaka; jera'na niaki ri tangnga-tangngana tau kalumanynyanga, manna natale'bakka a'gau' ja'dala', siagang tale'bakai annipu.”

MATIUS 27:59

Naallemi Yusuf anjo mayaka nampa naroko' kaeng lenang beru.

MATIUS 27:66

A'lampami ke'nanga mange ri jeraka. Najarrekimi ke'nanga anjo batu pannongko'na jeraka. Nampa nasuro surudadua a'jaga ri dallekanna anjo jeraka, sollanna tena tau angkaccaki.

MATIUS 28:2

Ti'ring ta'ge'goso' sanna'mi buttaya. Nampa nia'mo malaeka'Na Batara manaung battu ri suruga mange anggulungi assulu' anjo batu antongkokiai jera'Na Isa, nampa nai' ammempo ri tompo'na anjo batua.

LUKAS 24:2

Battui ke'nanga ri jeraka, nacini'mi ke'nanga le'ba' ta'gulung anjo batu pattongko'na jeraka.

YOHANES 11:38

Sanna'mi pole dinging-dinginna pa'mai'Na Isa, nampa a'lampami mange ri jeraka. Anjo jeraka, se're jera' batu nitongkoka batu lompo.

YOHANES 11:41

Jari napalesammi ke'nanga anjo batua. Nampa acconga Isa nai' ri langika na nakana, “Tarima kasi', Bapa', lanri Kipilangngerinna pappalakKu.

YOHANES 19:41

Anjoreng ri tampa'Na Isa nisalli' nia' se're koko. Lalang anjo ri kokoa nia' se're jera' beru nipare' tenayapa nale'ba' nipake antarawangi taua.

YOHANES 20:1

Ri bari'basa'na allo Minggua, ri wattu sassanna ija, a'lampami Maria Magdalena mange ri jeraka. Mingka ta'lesammi nacini' batu pattongko'na anjo jeraka.