MATIUS 27:6 - KITTA' MATANGKASA'

⁶ Mangemi imang-imang kapalaya anrappungi anjo doeka. Na nakana ke'nanga, “Anne doeka, doe' cera'. Situru' atoranga ri agamaya, anne doe' kammaya takkulleai nipantama' ri pammoneang passidakkanga lalang ri Balla'Na Batara.”

MATIUS 27:6 ပူးပေါင်းရင်းမြစ်များ

YESAYA 61:8

Nakana Batara, “INakke Kungai kaadelanga na Kukabirisi panjallakkanga siagang kaja'dallanga. LamajarreKa' assareko pahalanu, siagang appare' parjanjiang mannannungang siagang ikau.

MATIUS 23:24

Ma'nassa pamimping buta ngasengko! Nubongkai katingalo lalanga ri je'ne' inunnu, na unta sikayu nua'lu'!

MATIUS 27:5

Napasambilami Yudas anjo doeka antama' ri Balla'Na Batara, nampa a'lampa anggentungi kalenna.

MATIUS 27:7

Assamaturu'mi ke'nanga ampaballi anjo doeka se're tampa' niarenga Tampa' Papare' Uring. Anjo tampaka nipare'mi pa'jerakkanna tau battu pantarang pa'rasanganga.

MARKUS 7:11

Mingka ikau ngaseng nupangngajarrangi angkanaya: Punna nakana taua ri anrong-manggena, ‘Apa lakupassareanga ri katte le'ba'mi kupassidakkang mae ri Allata'ala,’

YOHANES 18:28

Ri bari'basa' dudua naerammi ke'nanga Isa battu ri balla'na Kayafas mange ri balla' lompona guburnurka. Sikamma tu Yahudia tena nantama' ri balla' lompoa, sollanna tena na'jari ra'masa' situru' ajarang agamana ke'nanga. Nasaba' eroki ke'nanga amminawang angnganre Paska.

PAOLE 23:18

Kammayatompa anjo doe' nagappaya battu ri panggaukang bawanna, takkulleai nierang mae ri Balla'Na Karaeng Allata'alanu untu' pa'bayara' tinja', nasaba' tanangaiyai Karaeng Allata'alanu pagau' bawanga ri balla'-balla' panynyombanga mae ri rewataya siagang tena todong nangai wassele' gau' bawanga.