MATIUS 27:56 - KITTA' MATANGKASA'

⁵⁶ Nia' tommi anjoreng Maria Magdalena, Maria amma'na Yakobus siagang Yusuf, kammayatompa anrong ana'-ana'na Zebedeus.

MATIUS 27:56 ပူးပေါင်းရင်းမြစ်များ

MATIUS 13:55

Sai ana'na tukang kayua anne Taua? Sai niarengi Maria amma'Na, siagang assari'battangi Yakobus, Yusuf, Simon na Yudas?

MATIUS 27:61

Mingka Maria Magdalena siagang Maria se'rea, ammantangiji ammempo andallekangi anjo jeraka.

MATIUS 28:1

Allalonamo allo Pammari-marianga, iamintu ri allonna Minggua, ri bari'basa' dudua, a'lampami Maria Magdalena siagang Maria maraenganga, mange assiara ri jera'Na Isa.

MARKUS 15:47

Anjo wattua, niaki Maria Magdalena siagang Maria amma'na Yoses amminawang, ero' naasseng angkana kemae nitarawang maya'Na Isa.

MARKUS 16:9

Attallasa' poleannamo Isa battu ri kamateanga, ri bari'basa'na allo Minggua, uru-uruna Napappicinikammi KalenNa mae ri Maria Magdalena. (Iaminne Maria le'baka napantamakki tuju setang, na Nabongka Isa assulu' anjo setanga battu ri kalenna.) A'lampai anjo sikamma bai'-bainea mae ri Petrus siagang agang-aganna, nampa napabattu bodona caritana anjo sikontu apa le'baka nipauangi ke'nanga ri anjo tau rungkaya.

LUKAS 24:10

Iaminne areng-arenna anjo bai'-bainea ampabattuai anjo apa kajarianga mae ri ana' gurunNa Isa: Maria Magdalena, Yohana, na Maria amma'naya Yakobus, kammayatompa sikamma bai'-baine maraengang naaganga ke'nanga.

LUKAS 8:2

Kammayatompa siapa are bai'-baine le'baka napantamakki roh ja'dala' siagang tau garring na Naballei Isa, nia' tongi amminawang. Iamintu Maria nigallaraka Magdalena (le'baka napantamakki tuju setang na Nabongka assulu' Isa);

YOHANES 19:25

Tabellayai ri salli'Na Isa, niaki ammenteng amma'Na Isa, sari'battang bainena amma'Na, Maria bainenna Kleopas, siagang Maria Magdalena.

YOHANES 20:1

Ri bari'basa'na allo Minggua, ri wattu sassanna ija, a'lampami Maria Magdalena mange ri jeraka. Mingka ta'lesammi nacini' batu pattongko'na anjo jeraka.

YOHANES 20:18

Jari a'lampami Maria mange ampauangi ana'-ana' gurunNa Isa, angkanaya le'ba'mi nacini' Batara, siagang Batara le'ba' ampauang ngasengi anjo passalaka.