MATIUS 27:51 - KITTA' MATANGKASA'

⁵¹ Anjo wattua sinre'mi gordenga lalang ri Balla'Na Batara, ta'bage rua battu rate sa'genna naung. Ta'ge'goso'mi buttaya, siagang ta'bage ruami bulu' batua.

MATIUS 27:51 ပူးပေါင်းရင်းမြစ်များ

2 PATTOTTORANG 3:14

Untu' anjo Kamara' Kaminang Matangkasaka nipapparekangi pole gordeng battu ri kaeng lenang siagang kaeng cura' moncongbulo, lame butung siagang eja. Anjo gordenga nibelo-beloi siagang gambara'-gambara' malaeka' akka'nyi'.

PAMMUJI 18:15

Napabuccuki ana'-ana' panaNa nampa Napasimbung sikamma musua; Napasisambung-sambummi Napakila' kila'Na, sa'genna lari ngaseng ke'nanga.

PAMMUJI 18:7

Makkioka' ri Batara lalang ri kasukkarangku, makkioka' ri Allata'alaku appala' pannulung. Battu ri Balla'na Nalangngereki sa'rangku na Naparhatikang pakkiokku.

KALAPPASSANG 40:21

Nampa naboli' anjo Pattia lalang ri Kemaya siagang nagentungi gordeng passimbang ri dallekanna, situru' parentaNa Batara mae ri ia.

YESAYA 25:7

Irate ri anjo buluka laNapa'lanynyaki rammang kasi'nanga niaka antongkoki bansa-bansaya.

KAIMANGNGANG 16:2

“Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.

KAIMANGNGANG 21:23

Lanri anjo taua sala-salangi kalenna, takkulleai nareppesi gordeng passimbanna Kamara' Matangkasaka siagang tampa' pakkoro'bangnganga. Takkulleai nara'massi barang-barang le'baka nisa'la' untu' iNakke, lanri iNakkemi Batara, siagang iNakkemi ansa'laki anjo barang-baranga.”

HABAKUK 3:10

Punna nacinikKi', ta'goccangi moncong-monconga naturung bosia battu ri langi' rapang nitumpa. Ammarrungi sa'ranna je'neka irawa ri buttaya, ta'gulung-gulung bombanga rapang a'jallo'.

HABAKUK 3:13

A'dakkaKi' maju untu' allappassangi ummatTa siagang untu' ampasalamaki karaeng nipileTa. Kitunrung sa'genna tu'guru' pamimpinna tau dorakaya, Kibarrasa' sa'genna la'busu' sikontu tau amminawanga ri ia.

PAMMILANGNGANG 4:5

Napassareangi Batara mae ri Musa paratorang kammaya anne: Punna narapi'mo wattunna nubongkara' pakkemaanga, Harun siagang ana'-ana'na musti antamaki ri KemaNa Batara, ampanaungi gordenga ri dallekanna Patti Parjanjianga, nampa narangka' anjo Pattia siagang anjo kaenga.

MATIUS 27:54

Malla'mi komandanna surudadua siagang sikamma surudadu niaka anjagai Isa, ri wattunna nacini' ta'ge'goso' buttaya siagang yangasenna anjo kajarianga. Nakanamo ke'nanga, “Ma'nassa Ana'Na tojeng Allata'ala anne Taua!”

MATIUS 28:2

Ti'ring ta'ge'goso' sanna'mi buttaya. Nampa nia'mo malaeka'Na Batara manaung battu ri suruga mange anggulungi assulu' anjo batu antongkokiai jera'Na Isa, nampa nai' ammempo ri tompo'na anjo batua.

MARKUS 15:38

Sinre' ta'bage ruami kaeng gordenga ri Balla'Na Batara, battu rate sa'genna naung.

LUKAS 23:45

Sinre'mi ta'bage rua gordeng niaka lalang ri Balla'Na Batara.

LUKAS 23:47

Ri wattunna nacini' perwira pasukanga anjo apa kajarianga, ammujimi ri Allata'ala. Nakana, “Kontu tojengi, anne taua ma'nassa tena nasala!”

IBRANI 6:19

Anjo panrannuanta a'jari panna'galang majarre' siagang amang mae ri katallassanta, nasaba', lanri sanna' lantanna nipatto' naung. Pappokokanna niaki lalang Kamara' Kaminang Matangkasaka lalang ri Balla'Na Batara ri suruga.

IBRANI 9:3

Bageang lalanganna, iamintu ri bokona gordeng makaruaya, nia' kamara' niarenga Kamara' Kaminang Matangkasaka.

PAPPICINI' 11:13

Na anjo wattua ta'ge'goso' sanna'mi buttaya. Ancuru'mi bage sampulona anjo kotaya, siagang nia'mo tuju sa'bu jaina tau mate napakamma anjo ta'ge'goso'na buttaya. A'jari malla' sikali ngasemmi tau maraenganga, nampa mammuji ke'nanga mae ri kalompoanNa Allata'ala ri suruga.

PAPPICINI' 11:19

Nampa tassungkemo Balla'Na Allata'ala ri suruga, na kacinikammo Patti Parjanjianga ilalang. Nampa nia'mo kila' assisambung-sambung siagang sa'ra gunturu' a'gamarrung siagang a'garumbang, kammayatompa ta'ge'goso'mi buttaya nabosi sannaka sarrona, angngerang es.