MATIUS 27:50 - KITTA' MATANGKASA'

⁵⁰ Ammarrang lompomi pole Isa, nampa tappu' nyawaNa.

MATIUS 27:50 ပူးပေါင်းရင်းမြစ်များ

DANIEL 9:26

Ri kala'busanna anjo jammanga lanibunoi pamimping Napilea Allata'ala, padahala' tena salana. Nampa battumo tantarana sitau karaeng kassaka, na naancuru' kota Yerusalem siagang Balla'Na Batara. Anjo kala'busang jammanga labattui rapang a'ba angngeranga pa'bundukang siagang kaancurang, situru' le'baka Napattantu Allata'ala.

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

MATIUS 27:49

Mingka nia'mo maraenganga angkana, “Tayangi rolong sinampe'. Umba na niciniki, maka battu tojenji Na'bi Elia ampasalamaKi?”

MARKUS 15:37

Nampa ammarrammi Isa, natappu' nyawaNa.

LUKAS 23:46

Nampa ammarrang lompomi Isa Nakana, “Bapa'! Ri lalang limanTai Kupassareang KalengKu!” Le'baki akkana kamma, tappu'mi nyawaNa.

YOHANES 10:11

INakkemi pakalawaki bajika. Ia pakalawaki bajika, napassareangi nyawana untu' katallassanna gimbala'na ngaseng.

YOHANES 19:29

Anjoreng ri tampaka nia' se're mangko' rassia anggoro' kacci. Angngallemi taua se're bunga batu karang nampa napantama' ri je'ne' anggoroka. Nampa nipataba anjo bunga batu karanga ri se'rea passukki', nanipajonjo mae ri bawaNa Isa.

YOHANES 19:30

Nalepa'mi Isa anjo anggoroka nampa Nakana, “Le'ba'mi!” Nampa a'dundu Isa, natappu'mo nyawaNa.

IBRANI 2:14

Nasaba' anjo sikamma tau Nakanaya ana', iamintu tau akkullea mate, napa'jarimi KalenNa Isa sangkamma kalenna ke'nanga, siagang attallasa'mi sangkamma rupataua. Kammami anjo Nagaukanga, sollanna lanri kamateanNa nakkullemo Nabeta sa'genna posso' Billisika, iamintu makoasaya ri kamateanga.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

IBRANI 9:14

la'biangampa pole cera'Na Almasi. Tete ri Roh mannannunganga, Napassareammi KalenNa Almasi mae ri Allata'ala a'jari koro'bang sukkuka baji'na. Cera'Na antangkasi ati mailalanta battu ri upacara agama tenaya matu-matunna sollanta akkulle a'jari palayang mae ri Allata'ala mattallasaka.