MATIUS 27:5 - KITTA' MATANGKASA'

⁵ Napasambilami Yudas anjo doeka antama' ri Balla'Na Batara, nampa a'lampa anggentungi kalenna.

MATIUS 27:5 ပူးပေါင်းရင်းမြစ်များ

2 SAMUEL 17:23

Ri wattunna napahang Ahitofel angkanaya tena nituruki pangngunju'na, napatabami pa'lapa' keledaina nampa ammotere' mange ri kota kalenna. Le'ba'na napasilolongang kabusu' sikontu urusanna nagentummi kalenna, nampa nitarawang ri jera' kaluargana.

1 KARAENG-KARAENG 16:18

Ri wattu nacini'na Zimri angkanaya niempoimi ri musu anjo kotaya, antama'mi ri balla' kakaraenganga nampa natunu anjo ballaka napasitunu kalenna, sa'genna matemo.

AYUB 2:9

Nakanamo bainenna mae ri ia, “Antekamma batenu tuli lajarre' ija tappa'nu mae ri Allata'ala? Tunrai lalomi, nunampa mate!”

AYUB 7:15

Sa'genna kungaiangngang niaccekanga kunampa mate kala attallasaka lalang anne kapa'risanga ri kalengku.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

MATIUS 26:61

“Anne taua le'baki angkana, ‘Akkullei Kurumbang anne Balla'Na Allata'ala, nampa Kupabangung poleang ri makatalluna alloa.’ ”

MATIUS 27:6

Mangemi imang-imang kapalaya anrappungi anjo doeka. Na nakana ke'nanga, “Anne doeka, doe' cera'. Situru' atoranga ri agamaya, anne doe' kammaya takkulleai nipantama' ri pammoneang passidakkanga lalang ri Balla'Na Batara.”

LUKAS 1:21

Anjo wattua, nitayammi passulu'na Zakharia ri taua. Lannasaki ke'nanga, apa saba'na nasallo kamma Zakharia lalang ri Balla'Na Batara.

LUKAS 1:9

Le'baki niloterei, kamma biasaya nagaukang imang-imanga, iami nijo'jo' antama' ri Balla'Na Batara attunu kamanynyang.

HAKING-HAKING 9:54

Akkaro-karomi Abimelekh angkioki turungka papisang sanjatana na nakana, “Bi'buki pa'dannu nampa nubunoa', tena kuero' nipakkanai nibuno ri tu baine.” Jari nitobo'mi ri anjo tu rungkaya sa'genna mate.