MATIUS 27:41 - KITTA' MATANGKASA'

⁴¹ Kamma tomminjo nagaukang imang-imang kapalaya siagang guru-guru agamaya, kammayatompa pamimping-pamimpinna tu Yahudia. Nacau-cau tommi Isa angkana,

MATIUS 27:41 ပူးပေါင်းရင်းမြစ်များ

AYUB 13:9

Punna Naparessako Allata'ala, maka labajiki kajarianna? Maka akkulleko antipui sangkamma nutipuna rupataua?

PAMMUJI 35:26

Boli'mi kamma tau sannanga anciniki pa'risikku a'jari lingu siagang a'jari siri'-siri'. Boli'mi kamma tau napattampoanga kalenna mae ri nakke nihina siagang nipakasiri'.

YESAYA 28:22

Kulangngere'mi kaputusanNa Allata'ala Kaminang Tinggia siagang Kaminang Makoasaya, iamintu lanaancuruki sikontu pa'rasanganga. Teako callai anne kana-kana kupabattua, kana-kana pappakaingaka. Sallang la'bi sukkarrangngangi lanupata'lappasa' kalennu!

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.

MATIUS 27:40

Nakana ke'nanga, “Ikaumi eroka anrumbangi Balla'Na Allata'ala, na nupabangung poleang ri makatalluna alloa! Punna Ana'naKo Allata'ala, naung maKo mae battu ri antu sallika, na Nupasalama' KalenNu!”

MATIUS 27:42

“Napasalamaki tau maraenga, na KalenNa taNakulle Napasalama'! Punna Karaennai bansa Israel, lappassammi naung battu ri sallika kamma-kamma anne, na kinampa tappa' ri Ia.

LUKAS 18:32

Lanipassareangi mae ri tu kapereka, lanipare' kare'-karenangi ri ke'nanga.

LUKAS 22:52

Le'baki anjo Nakanamo ri imang-imang kapalaya siagang perwira-perwira pangawala'na Balla'Na Batara, kammayatompa ri pamimping-pamimpinna tu Yahudi battua ero' anjakkalaki, “Apa nucini' tau ja'dalakKa', sa'gennu battu ngaseng angngerang pa'dang siagang palu-palu ero' anjakkalakKa'?

LUKAS 23:35

Ammenteng ngasemmi tau jaia anjoreng ancini'-ciniki Isa. Na nicau-caumi Isa ri pamimping-pamimpinna tu Yahudia angkana, “Le'baki Napasalama' tau maraenga; coba sabeki Napasalama' KalenNa kamma-kamma anne, punna ma'nassa Karaeng Mappasalama' tojengi, nipilea ri Allata'ala!”