MATIUS 27:40 - KITTA' MATANGKASA'

⁴⁰ Nakana ke'nanga, “Ikaumi eroka anrumbangi Balla'Na Allata'ala, na nupabangung poleang ri makatalluna alloa! Punna Ana'naKo Allata'ala, naung maKo mae battu ri antu sallika, na Nupasalama' KalenNu!”

MATIUS 27:40 ပူးပေါင်းရင်းမြစ်များ

MATIUS 16:4

Teai sipato' ja'dala'na siagang dorakana ngaseng taua ri anne jammanga. NusuroA' anggaukangi gau' appakalannasaka. Mingka manna sirupa gau' appakalannasa' tena todong lanipicinikiangko, pantaranganna gau' appakalannasa' le'baka kajariang ri kalenna Na'bi Yunus.” Le'baki akkana kamma Isa, a'lampami ambokoi ke'nanga.

MATIUS 26:61

“Anne taua le'baki angkana, ‘Akkullei Kurumbang anne Balla'Na Allata'ala, nampa Kupabangung poleang ri makatalluna alloa.’ ”

MATIUS 27:41

Kamma tomminjo nagaukang imang-imang kapalaya siagang guru-guru agamaya, kammayatompa pamimping-pamimpinna tu Yahudia. Nacau-cau tommi Isa angkana,

MATIUS 27:42

“Napasalamaki tau maraenga, na KalenNa taNakulle Napasalama'! Punna Karaennai bansa Israel, lappassammi naung battu ri sallika kamma-kamma anne, na kinampa tappa' ri Ia.

MATIUS 27:54

Malla'mi komandanna surudadua siagang sikamma surudadu niaka anjagai Isa, ri wattunna nacini' ta'ge'goso' buttaya siagang yangasenna anjo kajarianga. Nakanamo ke'nanga, “Ma'nassa Ana'Na tojeng Allata'ala anne Taua!”

MATIUS 4:3

Battumi billisika na nakana, “Sai Ana'Nako Allata'ala? Punna kamma, suromi anjo batu-batua a'jari roti.”

MATIUS 4:6

Nampa nakana billisika ri ia, “Sai Ana'NaKo Allata'ala? Punna kamma, a'lumpa' maKo naung; nasaba' nia' tattulisi' lalang ri Kittaka angkanaya, ‘LaNasuroi malaeka'-malaeka'Na Allata'ala anjagaiKo, LaNaruppaiKo lalang limanna ke'nanga, Sollanna manna bangkenNu tena todong nata'runtu' ri batua.’ ”

LUKAS 16:31

Mingka nakanamo Abraham, ‘Punna tena najampangi apa-apa napassuroanga Na'bi Musa siagang na'bi-na'bi maraenga, mattantu tena todong nalatappa' ke'nanga, manna pole nia' tau mate attallasa' poleang mange ampakaingaki ke'nanga!’ ”

PAPPICINI' 11:10

Lamarannui tuma'buttaya ri lino lanri matena anjo ruaya sa'bi. Lassua'-suaraki ke'nanga siagang massing lasikiringi ke'nanga hadia, lanri iaminjo ruaya na'bi le'ba' angngerang passessa mae ri sikontu rupataua ri lino.