MATIUS 27:31 - KITTA' MATANGKASA'

³¹ Le'baki nakarek-karenai, napasulu'mi ammotere' ke'nanga anjo juba cura' lame butunga. Nampa napipakei ammotere' pakeang KalenNa Isa. Le'baki anjo nierammi assulu' nampa mange nisalli'.

MATIUS 27:31 ပူးပေါင်းရင်းမြစ်များ

1 KARAENG-KARAENG 21:10

Suroi rua tau ja'dala' andallekangi siagang natudui angkanaya le'baki natunrai Allata'ala siagang karaenga. Nampa erangi assulu' ri pantaranganna kotaya, siagang sambilai batu sa'genna mate!”

1 KARAENG-KARAENG 21:13

Nia'mo rua pajaba' ammempo assidallekang siagang Nabot. Na ri dallekanna tujaia nitudumi angkanaya natunrai Allata'ala siagang karaenga. Lanri kammana anjo nierammi assulu' ri pantaranganna kotaya nampa nisambila batu sa'genna mate.

YESAYA 53:7

Ia nigau' nikapallakki, mingka sa'baraki ampisa'ringi. Tamakkana-kanayai rapang ana' gimbala' nieranga mange ri pammolongang yareka anrong gimbala' nicukkuruka bulunna.

PAMMILANGNGANG 15:35

Nakanamo Batara mae ri Musa, “Anjo taua musti nihukkung matei. Musti nierangi assulu' ri pantaranganna pakkemaanga nampa anjoreng musti nisambilai ri sikontu ummaka siagang batu sa'genna mate.”

MATIUS 20:19

nanipassareang ri tau teai bansa Yahudi. Lanicau-caui ri ke'nanga, lanisessai, nampa nisalli' ri ke'nanga. Mingka ri makatalluna alloa lanipabangungi pole ammotere'.”

MATIUS 21:39

Najakkala'mi anjo ana'na patanna koko, nampa nabuno, nanapela' assulukang.”

MATIUS 26:2

“Nuassemmi angkanaya ruangallo mami naallo Lompo Paska, nalaniallemi nipassareang Ana' Ma'rupataua nampa nisalli'!”

MARKUS 15:20

Le'baki nakarek-karenai Isa, napasulu' poleammi ke'nanga anjo juba cura' lame butunga, nampa napipakei ammotere' pakeang KalenNa Isa. Nampa nierang assulu' Isa, lamange nisalli'.

YOHANES 19:16

Jari napassareammi Pilatus mae ri ke'nanga Isa sollanna nisalli' ri ke'nanga. Niallemi Isa ri ke'nanga, nampa nierang a'lampa.

YOHANES 19:27

Nampa Nakana Isa ri anjo ana' guru Nakamaseanga, “Anjo mae amma'nu.” Pakkaramula anjo wattua natarimami amma'Na Isa ammantang ri balla'na anjo ana' guru Nakamaseanga Isa.

LAMPA-LAMPANA 7:58

Nare'resammi ke'nanga Stefanus assulu' battu ri kotaya nampa namanang-manangngi nasambila batu. Naboli'mi pakeanna anjo tau ancinikai anjo apa kajarianga mae ri se'rea tu rungka niarenga Saulus.

IBRANI 13:12

Iaminjo saba'na napantaranganna todong pakke'bu' lompona kotaya mate Isa, sollanna nakkulle Natangkasi dosana sikontu umma'Na, lanri anjo cera' KalenNa.