MATIUS 27:29 - KITTA' MATANGKASA'

²⁹ Appare'mi ke'nanga passikko' ulu akkatintinga, nampa napasongko' ri ulunNa Isa. Nampa napita'galliang takkang bulo ri lima kananNa. Le'baki anjo akkulantu'mi ke'nanga ri dallekanNa Isa. Nacau-caumi Isa nakana, “Iye', Karaeng tu Yahudi!”

MATIUS 27:29 ပူးပေါင်းရင်းမြစ်များ

PAMMUJI 69:7

TeaKi' balang parekangia' appakasiri' mae ri tau manrannuanga ri Katte, o, Batara, Allata'ala Kaminang Koasaya. TeaKi' balang parekangia' angngerang paccalla mae ri sikamma tau anynyombaya mae ri Katte, o, Allata'alana Israel!

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

YEREMIA 20:7

Batara, iKatte anynyonyokka' siagang inakke le'ba'ma' ninyonyo'. IKatte la'bi gassingKi' nainakke siagang le'ba'ma Kipadundu. Nicau-caua' ri tunggala' taua, nihina battu ri bari'basa' sa'genna karueng.

MATIUS 20:19

nanipassareang ri tau teai bansa Yahudi. Lanicau-caui ri ke'nanga, lanisessai, nampa nisalli' ri ke'nanga. Mingka ri makatalluna alloa lanipabangungi pole ammotere'.”

MATIUS 26:49

Battuna mange anjoreng ke'nanga, mange memammi Yudas ri Isa na nakana, “Salama', Guru!” Nampa nabau Isa.

MATIUS 27:37

Ri tompo' ulunNa Isa, nia' natannang ke'nanga tulisang angkanaya, “Iaminne Isa, Karaenna tu Yahudia”. Iaminjo tattulisika nituduangi Isa.

MARKUS 15:17

Nampa nipipakei juba cura' lame butung ri ke'nanga siagang nipapparekang songko' akkatintinga, nampa napataba ke'nanga ri ulunNa Isa.

MARKUS 15:18

Le'baki anjo anynyombami ke'nanga ri Isa nakana, “Iye' Karaenna tu Yahudia.”