MATIUS 27:27 - KITTA' MATANGKASA'

²⁷ Le'baki anjo nierammi Isa ri surudaduna Pilatus antama' ri balla' lompona guburnurka. A'rappungang ngasemmi surudadua amparitangngai Isa.

MATIUS 27:27 ပူးပေါင်းရင်းမြစ်များ

MATIUS 26:3

Anjo wattua a'rappungammi imang-imang kapalaya siagang sikamma pinggawana tu Yahudia ri balla' lompona Imang Malompona Kayafas.

YOHANES 18:28

Ri bari'basa' dudua naerammi ke'nanga Isa battu ri balla'na Kayafas mange ri balla' lompona guburnurka. Sikamma tu Yahudia tena nantama' ri balla' lompoa, sollanna tena na'jari ra'masa' situru' ajarang agamana ke'nanga. Nasaba' eroki ke'nanga amminawang angnganre Paska.

YOHANES 18:3

Jari battumi Yudas mange anjoreng, angngerang se're pasukang tantara Roma siagang siapa are pangawala'na Balla'Na Batara. Iaminne ke'nanga nisuroa ri imang-imang kapalaya siagang tu Farisia. Angngerangi ke'nanga sanjata, lampu, siagang sulo.

YOHANES 18:33

Ammotere'mi antama' Pilatus ri balla' lompoa nanakio' Isa, nampa nakuta'nang angkana, “Apaka iKaumi Karaeng tu Yahudia?”

LAMPA-LAMPANA 10:1

Anjoreng ri Kaisarea, nia' sitau bura'ne niarenga Kornelius. Jama-jamanna, iamintu kapiteng ri “Pasukang Italia”.

LAMPA-LAMPANA 23:35

nakanamo, “Baji'mi! Lakuparessai anne parkaranu punna battumo mae anrinni anjo tau antuduako.” Le'baki anjo nasuro tahammi Paulus lalang ri balla' lompona Herodes.

LAMPA-LAMPANA 27:1

Le'ba'mi nitappuki angkanaya musti a'lampa maki' mange ri Italia. Jari nipassareammi Paulus siagang siapa are tahanang maraenga mae ri Yulius, iamintu perwira tantara Roma nigallaraka “Pasukanna Karaenga”.