MATIUS 27:1 - KITTA' MATANGKASA'

¹ Ri bari'basa' dudua, natappukimi sikontu kapala imanga kammayatompa pamimping-pamimpinna tu Yahudia, angkanaya lanabunoi Isa.

MATIUS 27:1 ပူးပေါင်းရင်းမြစ်များ

PAMMUJI 2:2

Assamai ambangung sikamma karaenna lino na situju sikamma pinggawaya mangngewa ri Batara karaeng nipileNa.

PAMMUJI 31:13

Nikaluppaia' sanrapang tu mate, a'jarima' sanrapang barang nipelaka.

PAMMUJI 71:10

saba' napa'jari carita' musu-musungku, assikongkoloki tau eroka ambunoa'.

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

MARKUS 15:1

Ri bari'basa' dudua akkaro-karomi sipa'bicara sikontu hakinga ri Pangadelang Agamaya siagang imang-imang kapalaya, pamimping-pamimpinna tu Yahudia kammayatompa guru-guru agamaya. Nasikko'mi ke'nanga Isa nampa naerang mange napassareang ri Pilatus.

LUKAS 13:1

Anjo wattua nacaritami taua ri Isa passala'na siapa are tu Galilea le'baka nibuno ri Pilatus, ri wattunna assare koro'bang ke'nanga ri Allata'ala.

LUKAS 22:66

Ri bari'basa'na, a'rappungammi pamimping-pamimpinna tu Yahudia, imang-imang kapalaya, siagang guru-guru agamaya, nampa naerang Isa mange ri dallekanna Pangadelang Agamaya.

YOHANES 18:28

Ri bari'basa' dudua naerammi ke'nanga Isa battu ri balla'na Kayafas mange ri balla' lompona guburnurka. Sikamma tu Yahudia tena nantama' ri balla' lompoa, sollanna tena na'jari ra'masa' situru' ajarang agamana ke'nanga. Nasaba' eroki ke'nanga amminawang angnganre Paska.

LAMPA-LAMPANA 5:21

Naturukimi sikamma tunisuroNa Allata'ala anjo apa napappasanganga anjo malaekaka. Ri bari'basa' dudua, a'lampami ke'nanga mange ri Balla'Na Batara, nappakkaramula angngajara' anjoreng. Anjo wattua a'rappungammi pole imang lompoa siagang taunna ngaseng, ero' sipa'bicara siagang pamimping-pamimpinna tu Yahudia. Nampa nasuro taua mange angngallei anjo sikamma tunisuroNa Allata'ala, battu ri tarungkua, lanaerang mae ri dallekanna ke'nanga.

HAKING-HAKING 16:2

Nalangngere'mi kabara'na taua ri Gaza angkanaya niaki Simson anjoreng. Nakurummi ke'nanga anjo tampaka, nampa natayang sila'busu' bangngi ri pakke'bu' lompona kotaya. Mingka tena apa-apa nagaukang ke'nanga anjo bangngia lanri napikkiriki ke'nanga angkana, “Ammumbapi sallang alloa nampa nibuno.”

1 SAMUEL 19:11

Anjo memang bangngia nasuromi Saul siapa are tau mange angngodoki Daud ri balla'na siagang ambunoi punna bari'basamo. Mingka nakanamo Mikhal bainenna ri ia, “Punna tena nulari anne bangngia, ammuko bari'basa' tena tanibunonu.”