MATIUS 26:7 - KITTA' MATANGKASA'

⁷ nia'mo sitau baine battu mae ri Ia angngerang sibotolo' minynya'-minynya' bau', sannaka ka'jala'na ballinna. Natumpami anjo minynya'-minynya' bauka ri ulunNa Isa, ri sitabanna angnganre Isa.

MATIUS 26:7 ပူးပေါင်းရင်းမြစ်များ

2 KARAENG-KARAENG 9:1

Anjo wattua akkioki Elisa kalase'renna anjo na'bi-na'bi naajaraka nampa nakana ri ia: “Apparuruko untu' a'lampa mange ri Ramot ri pa'rasangang Gilead, siagang erangi anne botolo' niaka minynya' zaitunna.

PAMMUJI 133:2

Anjo sanrapangi minynya' wangi ka'jalaka ballinna nipatirika naung ri ulunna Harun, nampa naung ri kallong bajunna.

KATO'BA 10:1

Katingalo matea sikayu nabottoki minynya' bauka sibotolo', sike'de' katoloang ampelaki kacara'dekang tinggi dudua.

KATO'BA 9:8

Lappassammi accaya siagang singara' rupannu.

KELONG MALA'BIRI' 1:3

Ikau sanna' mabau'nu, arennu sanrapang minynya' mabau' tattumpaya; lanri kammana minjo nanangaiko tuloloa!

YESAYA 57:9

Ammakeko minynya'-minynya' mabau', nampa a'lampako mange anynyomba ri rewata niarenga Molokh. Nukiringi sikamma tunisuronu mange ri pa'rasangang-pa'rasangang bellaya, ba'lalo mange ri lino tau matea.

MATIUS 26:8

Larromi ana'-ana' gurunNa Isa nacini'na appakamma anjo bainea. Nakanamo ke'nanga, “Apa matu-matunna napa'laboang kamma anjo minynya'-minynyaka?

MARKUS 14:3

Ri wattunna nia' Isa ri Betania, ri balla'na Simon le'baka garring sala, nia' sitau baine battu mae ri Ia. Angngerangi sibotolo' minynya'-minynya' bau', sannaka ka'jala'na ballinna nipareka battu ri aka'-aka' kayu bauka. Ri wattunna ammempo angnganre Isa nasungkemi anjo bainea anjo botoloka nampa natumpa anjo minynya'-minynyaka ri ulunNa Isa.

LUKAS 7:46

Tena nanutumpai minynya' ulungKu, mingka anne bainea natumpaimi minynya'-minynya' bau' bangkengKu.