MATIUS 26:65 - KITTA' MATANGKASA'

⁶⁵ Nalangngere'na imang lompoa akkana kamma Isa, naallemi nasinre' jubana na nakana, “Nahinai Allata'ala! Tenamo naparallu pole sa'bia. Massing nilangngere'mi bicaranNa anghinai Allata'ala.

MATIUS 26:65 ပူးပေါင်းရင်းမြစ်များ

2 KARAENG-KARAENG 18:37

Jari nakekke'mi pakeanna Elyakim, Sebna siagang Yoah a'jari pammatei ri si'nana pa'mai'na, nampa a'lampa mange allaporoki mae ri karaenga anjo apa le'baka napau anjo perwirana tantara Asyur.

YEREMIA 36:24

Manna pole sanna' napala'na Elnatan, Delaya, siagang Gemarya sollanna tena natunui karaenga anjo kitta' nigulunga, mingka taerokai karaenga ampilangngeri ke'nanga. Baji' nakaraenga kammayatompa sikamma pagawe allangngerekai bonena anjo kittaka tena na'jari malla' yareka assesse' lalang nicini'.

KAIMANGNGANG 21:20

ia a'bukkuka yareka dattuluka, ia pa'risika matanna yareka natabaya garring bukkuleng siagang le'baka assulu' lisere' katauanna.

PAMMILANGNGANG 14:6

Yosua ana'na Nun siagang Kaleb ana'na Yefune, rua tau battu ri anjo mata-mataya, nakekkeki pakeanna ke'nanga pammateinna angkana susai ke'nanga.

MATIUS 9:3

Anjo wattua nia' todong siapa are guru-guru agama anjoreng. Nakanamo lalang nyawana anjo guru-guru agamaya, “Anne taua nahinai Allata'ala!”

LUKAS 5:21

Sipa'bicarami guru-guru agamaya siagang tu Farisia nakana, “Inai anne taua nabarani kamma anghinai Allata'ala? Inai akkulle ampammopporangi dosaya, pantaranganna Allata'ala?”

YOHANES 10:33

Appialimi anjo tu Yahudia nakana, “Teai lanri yangasenna anjo panggaukang baji'Nu naniero' ansambilaKo batu, passangalinna lanri Nuhinana Allata'ala. Ikau a'rupatau biasaya, erokKo ampa'jari KalenNu Allata'ala?”

YOHANES 10:36

apa saba'na nanukana Kuhinai Allata'ala lanri Kukananaja KalengKu iNakke Ana'Na Allata'ala? Padahala' iNakkemi Napile Manggea na NasuroA' battu antama' ri linoa.

LAMPA-LAMPANA 14:14

Nalangngere'na Barnabas siagang Paulus anjo apa eroka nagaukang anjo taua ngaseng, nakekke'-kekke'mi pakeanna ke'nanga, nalari mange ri tangnga-tangngana anjo tau jaia, nampa ammarrang angkana,