MATIUS 26:63 - KITTA' MATANGKASA'

⁶³ Mingka tena Nakkana-kana Isa. Nakanamo pole imang lompoa ri Ia, “Nasaba' Allata'ala mattallasaka, paumi ri kambe, maka Ikau tojeng mintu Karaeng Mappasalamaka, Ana'naya Allata'ala?”

MATIUS 26:63 ပူးပေါင်းရင်းမြစ်များ

1 KARAENG-KARAENG 22:16

Appialimi Ahab angkana, “Punna a'bicarako ri nakke lanri arenNa Batara, paui sitojennaya. Pissiapa mako kupakainga' ri anjo passalaka?”

2 PATTOTTORANG 18:15

Appialimi Ahab angkana, “Punna lanri arenNa Batara nu'bicara mae ri nakke, paumi kontutojenga. Pissiapako musti kupakainga' ri anjo passala' kammaya?”

PAMMUJI 42:2

Sanrapang jonga nakku' ri je'ne' binanga, kammaminjo nakku'na nyawaku ri Katte, o, Allata'ala.

PANGNGEBARANG 29:24

Tau assamaturuka siagang palukka', sangkamma nakabirisi kalenna. Punna a'bicarai silambusu'na ri pangadelang, lanipitabai hukkungang. Mingka punna a'merekiji bawang, lanitunrai ri Allata'ala.

YESAYA 53:7

Ia nigau' nikapallakki, mingka sa'baraki ampisa'ringi. Tamakkana-kanayai rapang ana' gimbala' nieranga mange ri pammolongang yareka anrong gimbala' nicukkuruka bulunna.

DANIEL 3:16

Appialimi Sadrakh, Mesakh siagang Abednego, angkana, “Karaeng mala'birika, tena nalassassala' ikambe.

KAIMANGNGANG 5:1

Anjo koro'bang nipammopporanna dosaya parallui nipassareang: Punna nia' tau nikellai assare kasa'biang ri pangadelanga, mingka tena nassare kasingarang ri anjo passala' le'baka nacini' yareka nalangngere', sa'genna nakasia' baji'-kodina.

MATIUS 16:16

Appialimi Petrus nakana, “IKattemi Karaeng Mappasalamaka, Ana'Na Allata'ala Mattallasaka.”

MATIUS 26:62

Ammentemmi imang lompoa na nakana ri Isa, “Apaka tena Nuero' ampiali bicaranna anne sa'bi-sa'bia?”

MATIUS 27:12

Mingka ri wattunna jai sikali nituduangi ri imang-imang kapalaya siagang pamimping-pamimpinna tu Yahudia, tena sikali Naero' akkana Isa.

MATIUS 27:14

Mingka manna sikali tena todong Naero' appiali Isa, sa'genna lannasa' sikalimi Pilatus.

MATIUS 27:40

Nakana ke'nanga, “Ikaumi eroka anrumbangi Balla'Na Allata'ala, na nupabangung poleang ri makatalluna alloa! Punna Ana'naKo Allata'ala, naung maKo mae battu ri antu sallika, na Nupasalama' KalenNu!”

MATIUS 27:43

Na patappaki Allata'ala, siagang Nakanai KalenNa Ana'Na Allata'ala. Jari umbamo niciniki kamma-kamma anne, maka ero' tojenji Allata'ala ampasalamaki.”

MATIUS 27:54

Malla'mi komandanna surudadua siagang sikamma surudadu niaka anjagai Isa, ri wattunna nacini' ta'ge'goso' buttaya siagang yangasenna anjo kajarianga. Nakanamo ke'nanga, “Ma'nassa Ana'Na tojeng Allata'ala anne Taua!”

MATIUS 4:3

Battumi billisika na nakana, “Sai Ana'Nako Allata'ala? Punna kamma, suromi anjo batu-batua a'jari roti.”

MARKUS 14:61

Mingka a'merekiji Isa. Tena sikali Naero' appiali. Jari sikalipi pole akkuta'nang anjo imang lompoa nakana, “Maka iKaumi Karaeng Mappasalamaka, Ana'Na Allata'ala Kaminang Matangkasaka?”

YOHANES 1:34

Nakana Yohanes, “Inakkemi kalengku le'ba' anciniki, siagang inakkemi a'jari sa'bi angkanaya Iaminjo Ana'Na Allata'ala.”

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

YOHANES 10:24

na anjo wattua battui tu Yahudia a'rappungang ri tammuliliNa Isa. Nakana ke'nanga ri Isa, “Sa'gennapi siapa sallona laNubalang parekangki' anne ranggasela? Paumi silambusu'na, punna ma'nassa iKau mintu Karaeng Mappasalamaka.”

YOHANES 10:30

INakke siagang Manggea se'rejA'.”

YOHANES 10:36

apa saba'na nanukana Kuhinai Allata'ala lanri Kukananaja KalengKu iNakke Ana'Na Allata'ala? Padahala' iNakkemi Napile Manggea na NasuroA' battu antama' ri linoa.

YOHANES 18:37

Akkuta'nammi Pilatus nakana, “Jari punna kamma, KaraengKo padeng?” Appialimi Isa Nakana, “Nupaumi angkanaya iNakke anne karaengA'. Se'reji pattujunna naKunilassukang siagang naKubattu ri anne linoa, iamintu ampabattui katojenganga. Inai-nai battu ri anjo katojenganga iami lampilangngeriA'.”

YOHANES 19:7

Appialimi tu Yahudia angkana, “Situru' undang-undang niaka ri kambe, musti nihukkung matei antu Taua, nasaba' Nakanai KalenNa Ana'Na Allata'ala.”

YOHANES 19:9

Jari ammotere'mi pole antama' ri balla' lompoa. Na ri wattunna nierammo Isa antama', akkuta'nammi Pilatus ri Ia, nakana, “Battu kemae assala'Nu?” Mingka tappialiai Isa.

YOHANES 20:31

Mingka nitulisi'mi sikammaya anne niaka nitulisi', sollannu tappa' ngaseng angkanaya Isa Iami Karaeng Mappasalama', Ana'Na Allata'ala; na lanri tappa'nu ri Ia, nanugappamo katallassanga.

YOHANES 6:69

Tappa'mi ikambe siagang jarre'mi ri atinna ikambe angkanaya iKattemi Tu Matangkasa' nisuroa battu ri Allata'ala.”

YOHANES 8:25

Akkuta'nammi ke'nanga angkana, “InaiKo antu sitojenna?” Appialimi Isa Nakana, “Apa pole matu-matunna a'bicaraya siagang ikau ngaseng?

2 KORINTUS 1:19

Nasaba' anjo Isa Almasi, Ana'Na Allata'ala, nabirittakanga sari'battanta Silas, Timotius, kammayatompa kalengku, teai passala' “Iyo” yareka “Tena”. Passangalinna passala' pappiali Iyo battu ri Allata'ala.

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.

1 SAMUEL 14:24

Anjo alloa lamma ngasemmi kalenna tu Israel napakamma cipuru', lanri le'baki assumpa Saul angkana, “Cilakai tau angnganrea manna apa-apa mamo anne alloa, punna tenapa nakubalasaki boli'-bolikku ri musungku.” Lanri kammana anjo, manna sitau tena nia' angnganre anjo alloa.

1 SAMUEL 14:26

Mingka manna sitau tania' angkanrei anjo bania, lanri mallaki nataba cilaka battu ri anjo sumpana Saul.

1 SAMUEL 14:28

Nampa nia'mo kalase'renna anjo tantaraya angkana ri ia, “Ikambe anne tena ngasemmo nikullei lanri cipurutta. Mingka le'ba'mi manggeta ansumpaki angkana ‘Cilakai tau angnganrea anne alloa.’ ”