MATIUS 26:55 - KITTA' MATANGKASA'

⁵⁵ Nampa Nakanamo Isa ri anjo tau jaia, “Apaka nucini' ja'dalakKa' numassing angngerang kamma pa'dang siagang palu-palu battu anjakkalakKa'? Allo-alloKu angngajara' lalang ri Balla'Na Allata'ala natena nujakkalakKa'!

MATIUS 26:55 ပူးပေါင်းရင်းမြစ်များ

MATIUS 21:23

Le'baki anjo ammotere'mi Isa mange ri Balla'Na Batara. Antama'mi angngajara' lalang. Sitabanna angngajara', battumi mae ri Ia imang-imang kapalaya siagang pamimping-pamimpinna tu Yahudia. Akkuta'nammi ke'nanga angkana, “Apa passabakkanna nakkulle Nugaukang ngaseng anne? Inai assareKo koasa?”

MATIUS 26:47

Lalang a'bicara kammana Isa, nia'mi battu Yudas, kalase'renna anjo ana' gurunNa sampuloa anrua. Nia'mo tau jai anrurungangi, massing angngerang pa'dang siagang palu-palu. Yangaseng minjo tau nasuroa kapa'-kapalana imanga siagang pingga'-pinggawana tu Yahudia.

MARKUS 10:1

Nampa Nabokoi Isa anjo tampaka, Na'lampa mange ri daera Yudea, siagang ri daera ba'leanna Binanga Yordan. Battumi pole tau jaia a'lipung ri tammulilina Isa. Na kamma biasa, Naajara'mi Isa ke'nanga.

MARKUS 12:35

Ilalang angngajara'Na Isa ri Balla'Na Batara, akkuta'nammi ri tau niaka hadere' angkana, “Antekamma nakkulle napau guru-guru agamaya angkanaya anjo Karaeng Mappasalamaka sossoranna Daud?

LUKAS 19:47

Allo-allona angngajara' Isa lalang ri Balla'Na Batara. Mingka ero'mi nibuno ri imang-imang kapalaya, siagang guru-guru agamaya, kammayatompa ri pamimping-pamimpinna tu Yahudia.

LUKAS 20:1

Ri se'reang allo, sitabangi angngajara' Isa, siagang Napabattui Kabara' Baji' battua ri Allata'ala, mae ri tau niaka lalang ri Balla'Na Batara. Battu tommi imang-imang kapalaya, guru-guru agamaya, kammayatompa pamimping-pamimpinna tu Yahudia.

LUKAS 4:20

Le'baki Nabaca, Nagulung poleammi Isa anjo kittaka, naNapoterang, nampa mange ammempo. Nicinikimi Isa ri sikamma tau hadereka lalang ri balla' sambayanga.

YOHANES 7:14

Attangnganamo passua'-suarranga, nia'mi antama' Isa ri Balla'Na Batara, nampa appakkaramula angngajara'.

YOHANES 7:28

Le'baki anjo, lalang angngajara'Na Isa ri Balla'Na Batara, a'gora lompomi Nakana, “Jari nuasseng ngasenjA' angkana inaiA' anne, siagang battu kemae assalakKu? Teai ero' KalengKu naKunia' battu. INakke nisuroA' ri Ia niaka koasana assuro ri Nakke, nakkullei nipatappa'. Mingka tena nanuassengi.

YOHANES 8:2

Ammukona bari'basa', a'lampami mange ri Balla'Na Batara, siagang jaimi tau battu mae ri Ia. Ammempomi Isa, nampa Naajara' ke'nanga.

YOHANES 8:20

Niaki lalang ri Balla'Na Batara angngajara' wattunna Napau ngaseng anne bicaraya. Anjorengi ri ampi'na patti-patti doe' pakkoro'bangnganga anjo wattua. Mingka tenanniakka manna sitau anjakkalaki Isa, lanri tenapa nanarapiki wattunna.