MATIUS 26:54 - KITTA' MATANGKASA'

⁵⁴ Mingka punna kamma anjo, antekammami la'rupa apa le'baka napau Kittaka, angkanaya tena takajarianna anjo ri kamma-kammaya anne?”

MATIUS 26:54 ပူးပေါင်းရင်းမြစ်များ

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

MATIUS 26:24

Mingka lamate memang tonji Ana' Ma'rupataua, kamma le'ba' tattulisika lalang ri Kittaka. Mingka cilakami anjo tau eroka ambalukangi Ana' Ma'rupataua! Bajikangngangi punna sikali tena nale'ba' nilassukang anjo tau kammaya.”

YOHANES 10:35

Niassengi angkanaya apa tattulisika lalang ri Kittaka tappakei sa'genna satunggu-tungguna. Jari, punna Allata'ala anggallaraki ‘allata'ala’ sikamma tau ampilangngeriai kananNa,

LAMPA-LAMPANA 1:16

“Sikamma sari'battangku ngaseng! Apa niaka tattulisi' lalang ri Kittaka, musti kajariang ngasengi. Riolo, Napau memammi RohNa Allata'ala lalang ri kalenna Daud ri passala'na anjo Yudas, le'baka ampimpingi taua battu anjakkalaki Isa.