MATIUS 26:49 - KITTA' MATANGKASA'

⁴⁹ Battuna mange anjoreng ke'nanga, mange memammi Yudas ri Isa na nakana, “Salama', Guru!” Nampa nabau Isa.

MATIUS 26:49 ပူးပေါင်းရင်းမြစ်များ

PA'JARIANG 27:26

Nampa nakanamo manggena ri ia, “A'reppesekko pole nupila' ambani na', nampa nubaua'.”

2 SAMUEL 20:9

Angkanai Yoab mae ri Amasa, “Antekamma kabaraka gang?” Nampa nata'gala' janggo'na Amasa siagang lima kananna, sangkamma angkanaya eroki ambaui.

PANGNGEBARANG 27:6

Aganga natunrungki' siagang pangngamaseang, mingka musua narakakki' siagang racung.

MATIUS 23:7

Nangai ke'nanga punna nipakala'biri' ri pasa'-pasaraka, siagang sannang sikali punna nikio' ‘Bapa' Guru’ ri taua.

MATIUS 23:8

Mingka ikau ngaseng teako eroki nikio' ‘Bapa' Guru’, nasaba' se'reji Gurunnu, na ikau assari'battang ngasengko.

MATIUS 26:25

Nakanamo Yudas lapung tau la'baluka, “O, Guru, tantu teaiji nakke nataba kananTa?” Nakanamo Isa, “Kamma mintu kanannu!”

MATIUS 26:48

Le'ba'mi nipato ri Yudas angkanaya, “Kereanga tau kubau sinampe', iaminjo taunna, allemi jakkala'!”

MARKUS 15:18

Le'baki anjo anynyombami ke'nanga ri Isa nakana, “Iye' Karaenna tu Yahudia.”

LUKAS 7:45

Tena nubattu ambauA' ri wattungKu nuruppai; mingka anne bainea tenammariai ambaui bangkengKu baku' battuKu mae anrinni.

YOHANES 19:3

Nampa a'mole-mole ke'nanga battu ri dallekanNa Isa angkana, “La'bu lalo umurutTa, karaenna tu Yahudia!” Nampa natempaka'rang ke'nanga Isa.

YOHANES 4:31

Anjo wattua nikio'mi Isa ri ana'-ana' gurunNa mange angnganre. Nakana ke'nanga, “O Bapa' Guru, mae maKi' angnganre.”

1 TESALONIKA 5:26

Massing sibarisallangko para ikau ngaseng, assiamakko nusikarimangngi salaku tu Karisteng.

1 SAMUEL 10:1

Nampa angngalle Samuel botolo' minynya' zaitun, na napatiri' anjo minynyaka irate ri ulunna Saul, siagang nabaumi Saul, na nakana, “Naminyakiko siagang Naangkakko Batara a'jari karaeng mae ri Israel umma'Na. Lanuparentai umma'Na siagang lanukatutui ke'nanga battu ri musu-musunna ke'nanga. Iaminne pammatei mae ri kau angkanaya Napile mako Batara a'jari karaeng mae ri umma'Na: