MATIUS 26:43 - KITTA' MATANGKASA'

⁴³ Le'baki anjo ammotere'mi pole, nanarapikang pole ana'-ana' gurunNa attinro, lanri ta'do'do' duduna ke'nanga.

MATIUS 26:43 ပူးပေါင်းရင်းမြစ်များ

PANGNGEBARANG 23:34

Kammai pakkasia'nu tau niaka ri coppo'na benteng kappala' niaka ri tangnga tamparang; dangngalaki ulunnu siagang ta'royong-royongko.

YUNUS 1:6

Ri wattunna naung anjo juraganna kappalaka nabuntulu'mi Yunus anjoreng sitabang attinro. Nakanamo ri ia, “Angngapa nukkulle tinro kau lalang ri wattu kammaya anne! Ambangungko nai'! Appala' doangko mae ri rewatanu untu' appala' tulung. Inai angngassengi gassingka lanakamaseangki' sa'genna tena nipanra'.”

MATIUS 26:42

A'lampami pole Isa appala' doang maka pinruanna angkana, “O, ManggeKu, punna paleng takkulleami nipakabella anne passessaya ri Nakke, natakkullea taKupisa'ringi, boli'mi kamma Kipa'jari erotTa.”

MATIUS 26:44

Sikalipi pole a'lampa ambokoi ke'nanga, mange appala' doang maka pintallunna, kamma sumpaeng.

LUKAS 9:32

Anjo wattua attinroi Petrus siagang agang-aganna. Mingka ti'ring ambangummi ke'nanga, na nacini'mo ke'nanga accaya Isa, ammenteng siagang anjo tau ruaya.

LAMPA-LAMPANA 20:9

Nia'mo se're turungka ammempo ri jandelaya niarenga Eutikhus. Lanri tenapa nammari-mari a'bicara Paulus, ta'do'do' sikalimi anjo turungkaya. Tanasa'ringami kalenna nattinro ri jandelaya sa'genna tu'guru' naung battu rate ri loteng makatallua. Ri wattunna niangka', niassemmi angkana matemi anjo turungkaya.

ROMA 13:1

Yangasenna taua musti mannuruki mae ri pamarentaya; nasaba' tena pamarenta tabattua ri Allata'ala kakoasanna. Siagang anne pamarenta ri kamma-kammaya anne, napajappai kakoasanna situru' Napassuroanga Allata'ala.