MATIUS 26:39 - KITTA' MATANGKASA'

³⁹ A'lampa bella-bellami Isa sike'de' mange ri dallekang, nampa su'ju' naung ri buttaya appala' doang angkana, “O, ManggeKu, ka'de' nia' kulleanna, pabellami anne passessaya ri Nakke. Mingka teaKi' naerokKu anjari, passangalinna erotTamo anjari.”

MATIUS 26:39 ပူးပေါင်းရင်းမြစ်များ

PA'JARIANG 17:3

Su'ju'mi Abram, nampa Nakanamo Allata'ala,

2 SAMUEL 15:26

Mingka punna tena Nangaia', lappassammi apa-apa mamo kajariang situru' ero'Na mae ri kalengku.”

1 PATTOTTORANG 21:16

Naciniki Daud anjo malaekaka allayang ri alla'na langika siagang buttaya. Nia' pa'dang lalang limanna, nasadia anjo malaekaka angngancuruki Yerusalem. Na anjo wattua, Daud siagang sikamma pamimping-pamimping ra'yaka, ammakemi care-care karung a'jari pammatei angkanaya assesse'lalammi ke'nanga, nasu'ju' ke'nanga naung ri buttaya.

YESAYA 50:5

Nasarea' Batara pammahang, tena kungngewa yareka ta'giling battu ri Ia.

YESAYA 53:12

Rellai ampassareangi katallassanna nantama' ri bilanna tau ja'dalaka. Natanggongi dosana tau jaia nappala' doang sollanna nipammopporang ke'nanga. Jari Kusaremi tau jai a'jari hadia, siagang para anggappami bageang siagang sikamma tau annabaya.”

YEHEZKIEL 1:28

a'rupa-rupa cura'na sangkamma tarawe. Iaminjo singara' accaya, ampa'nyatayai kahaderanNa Batara. Kucini'na anjo sikammaya, tu'guru'ma' attinompang, a'dalle' naung ri buttaya. Nampa nia'mo sa'ra kulangngere' angkana,

PAMMILANGNGANG 14:5

Nampa su'ju'mo Musa siagang Harun ri dallekanna sikontu ra'yaka.

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

MATIUS 20:22

Nakanamo Isa ri ke'nanga, “Tanupahangai antu apa nupalaka. Maka akkullejako lampisa'ringi todongi passessa laKupisa'ringia?” Appialimi ke'nanga angkana, “Iye', akkulleja'.”

MATIUS 24:24

Nasaba' lania' sallang battu siapa are tumappasalama' patipu, siagang na'bi-na'bi patipu. Lanappicinikangi ke'nanga gau'-gau' teai sipatoka lompona siagang appakalanna'-lannasaka, sollanna akkulle, manna umma'Na Allata'ala lanatipu todong.

MATIUS 26:42

A'lampami pole Isa appala' doang maka pinruanna angkana, “O, ManggeKu, punna paleng takkulleami nipakabella anne passessaya ri Nakke, natakkullea taKupisa'ringi, boli'mi kamma Kipa'jari erotTa.”

MARKUS 13:22

Nasaba' lania' sallang battu tumappasalama' balle-ballea siagang na'bi-na'bi balle-ballea. Lanapappicinikangi ke'nanga gau'-gau' appakalanna'-lannasaka sollanna akkulle annipu, na punna akkulle manna umma'Na Allata'ala lanatipu todong.

LUKAS 17:16

Nampa mange ri dallekanNa Isa, anynyomba appala' sukkuru' ri Isa. Anjo taua tau battu ri pa'rasangang Samaria.

YOHANES 11:41

Jari napalesammi ke'nanga anjo batua. Nampa acconga Isa nai' ri langika na nakana, “Tarima kasi', Bapa', lanri Kipilangngerinna pappalakKu.

YOHANES 14:31

Mingka musti kajariang ngasengi anjo sikammaya, sollanna nanaasseng anne linoa, angkanaya Kukamaseangi Manggea siagang Kugaukang ngasengi sikontu Naparentakanga mae ri Nakke. Jari umbamo ki'lampa battu anrinni.”

YOHANES 18:11

Nakanamo Isa ri Petrus, “Poterangi antama' ri banoanna antu pa'dannu! Apa nakana pikkirannu talaKutarimayai passessa Napassareanga Manggea mae ri Nakke?”

YOHANES 5:19

Appialimi Isa mae ri yangasenna anjo taua angkana, “Patappa'mi angkanaya, takkulleai Anaka anggaukangi apa-apaya punna lanri koasaNa bawang. Iaji bawang Nagaukang apa le'baka Nacini' Nagaukang ManggeNa. Nasaba' apa-apa Nagaukang ManggeNa, ia tomminjo Nagaukang Anaka.

YOHANES 5:30

“Tena apa-apa akkulle Kugaukang punna battu ri ero' KalengKu bawang. Punna angngadeliA', lanri parentaNa bawang Allata'ala Kuturuki. Na adeleki punna iNakke angngadeli, lanri teai erokKu Kuturuki, passangalinna ero'Na Manggea assuroA' battu.

YOHANES 6:38

Nasaba' naKunaung battu ri suruga, teai ero' KalengKu laKugaukang, passangalinna ero'Na Ia assuroA' battu, iamintu ManggeKu.

LAMPA-LAMPANA 10:25

Ri wattunna battumo Petrus, mangemi Kornelius anruppai, nasu'ju' ri dallekanna.

FILIPI 2:8

Napa'jari tunai KalenNa namannuruki ri Allata'ala sa'genna mate – iamintu mate ri kayu sallika.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

PAPPICINI' 19:10

Nampa su'ju'ma' ri dallekanna anjo malaekaka, ero' anynyomba ri ia; mingka nakanamo ri nakke, “Teako! Teako anynyombai ri nakke, mingka Allata'ala nusomba! Nasaba' inakke ata tonja' sangkamma ikau siagang sikontu sari'battannu anna'gala' jarreka mae ri biritta tojenga, Napabattua Isa!” Nasaba' iaminjo kasa'bianga mae ri Isa assarei taua pangngissengang untu' ampabattui biritta battua ri Allata'ala.