MATIUS 26:32 - KITTA' MATANGKASA'

³² Mingka punna attallasa' poleangA', la'lampa rioloA' mange antayangko ri Galilea.”

MATIUS 26:32 ပူးပေါင်းရင်းမြစ်များ

MATIUS 16:21

Anjo wattua appakkaramulami a'bicara silambusu'na Isa mae ri ana'-ana' gurunNa, angkanaya takkulleai ta'lampa mange ri Yerusalem angkasiaki passessa jaia. Iamintu passessa battua ri pingga'-pinggawana tu Yahudia, imang-imang kapalaya, kammayatompa guru-guru agamaya. Lanibunoi, mingka lanipattallasa' poleangi battu ri kamateanga ri makatalluna alloa!

MATIUS 20:19

nanipassareang ri tau teai bansa Yahudi. Lanicau-caui ri ke'nanga, lanisessai, nampa nisalli' ri ke'nanga. Mingka ri makatalluna alloa lanipabangungi pole ammotere'.”

MATIUS 26:33

Nakanamo Petrus ri Isa, “Manna a'lampa ngaseng maraenganga ampilariKi', mingka inakke tena sikali kuero' ampilariKi'!”

MATIUS 28:10

Nakanamo Isa ri ke'nanga, “Teako mallakki, a'lampamako mae ri sikamma sari'battangKu na nupauang sollanna a'lampa ke'nanga mange ri Galilea; anjorempA' sallang nacini' ke'nanga.”

MATIUS 28:16

A'lampami mange se'reang bonto ri Galilea asse're ana'-ana' gurunNa Isa, situru' le'baka Napappasangang Isa ri ke'nanga.

MARKUS 14:28

Mingka punna attallasa' poleamMa', la'lampa rioloA' mange ri Galilea.”

MARKUS 16:7

Kamma-kamma anne, a'lampamako ampabattui anne kabaraka mae ri ana'-ana' gurunNa, kammaya Petrus. Pauammi angkanaya, ‘A'lampa riolomi mange ri Galilea. Anjorempi lanucini', sangkamma le'bakamo Napau ri kau ngaseng.’ ”

1 KORINTUS 15:6

Le'baki anjo Napappicinikang tommi KalenNa mae ri la'bia limambilangngang tu matappa'Na. Jai ri ke'nanga attallasa' iji sa'genna kamma-kamma anne, nampami siapa are tau ammoterang.