MATIUS 26:28 - KITTA' MATANGKASA'

²⁸ Nasaba' iaminne cerakKu, ampakajarrekai janjinNa Allata'ala – cera' nipasolonga, sollanna akkulle nipammopporang sikontu dosana tau jaia.

MATIUS 26:28 ပူးပေါင်းရင်းမြစ်များ

YEREMIA 31:31

Nakana Batara, “Lanarapiki sallang wattunna naKuppare' parjanjiang beru siagang umma' Israel siagang Yehuda.

KAIMANGNGANG 17:11

Nyawana sikamma apa attallasaka niaki lalang ri cera'na. Lanri kammana anjo Naparentakangi Batara sollanna sikontu ceraka nipatiriki irate ri tampa' pakkoro'bangnganga sollanna nitangkasi dosa-dosana ummaka. Ceraka iamintu nyawaya, antangkasi dosaya.

ZAKHARIA 9:11

Nakana Batara mae ri umma'Na, “Lanri parjanjiang le'baka Kupare' siagang ikau ngaseng, parjanjiang nipa'jari assaya siagang cera' koro'bang nipassareanga, laKupakabebasaki ra'ya'nu sessaya lalang ri butta pammelakkang sangkamma tau nikurunga lalang ri bungung kalotoro'.

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

MATIUS 26:27

Le'baki anjo angngallemi pangnginungang anggoro' nampa appala' sukkuru' ri Allata'ala. Nampa Napassareang mae ri ana'-ana' gurunNa, na Nakana, “Angnginung ngaseng mako battu ri anne pangnginunganga.

MATIUS 26:29

Patappaki: Pakkaramula anne wattua, tenamo Kulangnginung anggoro' sa'genna narapi' wattunna Kuinung anggoro' berua siagang ikau ngaseng lalang ri Lino BeruNa ManggeKu.”

MATIUS 6:12

Kipammopporangi dosa-dosana ikambe, Sangkamma napammopporammi ikambe tu salaya ri kalenna ikambe.

MARKUS 1:4

Sangkamma le'baka tattulisi', nia'mi battu Yohanes ri parang lompoa. Naje'ne'mi taua siagang napabattumi Kabara' battua ri Allata'ala. Nakanamo Yohanes, “Paralluko toba' battu ri dosa-dosanu siagang nije'ne', sollanna Napammopporangko Allata'ala.”

MARKUS 14:24

Le'baki anjo Nakanamo Isa, “Iaminne pangngebarranna cerakKu, iamintu cera' nipasolonga untu' tau jaia, ampa'assayai parjanjianNa Allata'ala.

LUKAS 22:19

Le'baki anjo angngallemi roti Isa. Na le'ba'na appala' sukkuru', Napue-puemi anjo rotia siagang limanNa, nampa Napassareang mae ri ke'nanga, na Nakana, “Iaminne batangkalengKu [nipassareanga untu' ikau ngaseng. Gaukammi anne kammaya, untu' a'jari pangngu'rangi mae ri Nakke.”

LUKAS 22:20

Kamma tomminjo, ri le'ba'na nakanre ke'nanga anjo rotia, Napassareammi anjo piala anggoroka mae ri ana'-ana' gurunNa, na Nakana, “Anne pialaya iami a'jari pammatei parjanjiang beruNa Allata'ala, nipa'jari assaya siagang cerakKu, iamintu cera' nipasolonga untu' ikau ngaseng.”]

ROMA 5:15

Mingka tena nasangkamma anjo tau ruaya; nasaba' lompoangangi passareNa Allata'ala punna nipasiukkuruki siagang dosa nagaukanga Adam. Passabakkang se're tau sala najaimo tau mate. Mingka la'biangampa lompona pangngamaseanNa Allata'ala siagang hadia kasalamakkang Napassareanga mae ri sannaka jaina tau tete ri baji' pa'mai'na se'rea tau iamintu Isa Almasi.

ROMA 5:19

Kammayatompa sangkamma angkanaya passabakkang se're tau tamannuruki ri Allata'ala najaimo tau a'jari doraka, sangkamma tomminjo passabakkang se're tau anggaukangi ero'Na Allata'ala, nalajai tommo tau assibajiki ammotere' siagang Allata'ala.

1 KORINTUS 11:25

Kammatommi anjo ri le'ba'na angnganre, angngalle tommi pangnginungang anggoro', nampa Nakana, “Anne anggoroka, iami a'jari pammatei Parjanjiang BeruNa Allata'ala, nipa'jari assaya lanri cerakKu. Kere-kere wattu nanuinungi, gaukammi anne kammaya untu' a'jari pangngu'rangi mae ri Nakke.”

EFESUS 1:7

Nasaba', nilappassang maki' ri Allata'ala, lanri kamateanNa Almasi; battuanna le'ba'mi nipammopporang dosa-dosata.

KOLOSE 1:14

Lanri Iaminjo Ana'Na nakinilappassang; battuanna le'ba'mi nipammopporang dosa-dosata.

KOLOSE 1:20

Siagang tete ri Ia tommi anjo Ana'Na, naNapa'jari assibajiki ngasemmo ammotere' sikontu apa-apaya siagang KalenNa – baji' na sikontu apa-apa niaka ri lino kammayatompa apa niaka ri suruga. Anjo Nagaukanga Allata'ala tete ri kamateanNa Ana'Na irate ri kayu sallika.

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.

1 YOHANES 2:2

Tete ri Ia minjo Isa Almasi nanipammopporang dosa-dosata. Siagang teai dosa-dosataji bawang, passangalinna dosana pole sikontu rupataua.

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.

PAPPICINI' 7:9

Le'baki anjo kucinikimi pole, na nia'mo kucini' tamparang tau, sannaka jaina tau bonena; tena manna sitau akkulle anrekengi jaina! Ia ke'nanga tau battu ri massing-massing bansa, suku, pa'rasangang, siagang bahasa. Ammenteng ngasengi anjo tau jaia andallekang mae ri empoang kala'biranga siagang andallekang mae ri anjo Ana' Gimbalaka; ammakeang juba kebo' ngasengi ke'nanga siagang massing anna'galaki leko'-leko' kaluku lolo.