MATIUS 26:26 - KITTA' MATANGKASA'

²⁶ Ri wattu angnganre bangngina Isa, angngallemi roti nampa appala' sukkuru'. Nampa Napue-pue anjo rotia. Le'baki anjo Natawa-tawaimi ana'-ana' gurunNa, Nakana, “Allei, kanremi, iaminne tubuKu.”

MATIUS 26:26 ပူးပေါင်းရင်းမြစ်များ

MATIUS 14:19

Nasuromi anjo tau jaia ammempo naung ri paranga. Le'baki anjo, Naallemi anjo roti limambatua siagang juku' ruang kayua. Nampa acconga nai' ri langika, appala' sukkuru' ri Allata'ala. Nabage-bagemi anjo rotia, nampa Napassareang mae ri ana'-ana' gurunNa, sollanna natawa-tawai anjo tau jaia.

MATIUS 26:27

Le'baki anjo angngallemi pangnginungang anggoro' nampa appala' sukkuru' ri Allata'ala. Nampa Napassareang mae ri ana'-ana' gurunNa, na Nakana, “Angnginung ngaseng mako battu ri anne pangnginunganga.

MARKUS 6:41

Nampa Naalle Isa anjo roti limambatua siagang anjo juku' ruang kayua; nampa acconga nai' ri langika, appala' sukkuru' ri Allata'ala. Le'baki anjo Nabage-bagemi anjo rotia ri limanNa nampa Napassareang mae ri ana'-ana' gurunNa, sollanna natawa-tawai anjo tau jaia. Kammayatompa anjo juku' ruang kayua, natawa-tawai ngaseng tommi ke'nanga.

LUKAS 22:17

Le'baki anjo Naangka'mi Isa piala anggoroka, nampa appala' sukkuru' ri Allata'ala. Nampa Nakana, “Allemi anne, nanubage-bage;

LUKAS 24:30

Ri wattunna ammempo sipangnganreang ke'nanga, angngallemi roti Isa. Appala' sukkuru'mi ri Allata'ala, naNapue-pue anjo rotia, nampa Napassareang mae ri ke'nanga.

LAMPA-LAMPANA 2:46

Allo-allona ke'nanga tuli a'rappungang ri Balla'Na Batara; kammayatompa a'le'ba'-le'basaki ke'nanga assama-sama angnganre ri balla'na. Na rannu pa'mai' siagang tuna pa'mai' ngasengi ke'nanga.

LAMPA-LAMPANA 20:7

Ri wattunna bangngi daminggu a'rappungang maki' ero' sipangnganreang ampakajarreki passari'battanganta. A'bicara memammi Paulus siagang sikamma tau hadereka, nasaba' ammukona ero'mi a'lampa. Sa'genna tangnga bangngi a'bicara iji Paulus.

1 KORINTUS 10:4

siagang para angnginummi ke'nanga je'ne' inung rohani sangkammaya. Angnginung ngasemmi ke'nanga battu ri je'ne' assuluka ri bulu' batu rohani niaka anrurungangi ke'nanga; anjo bulu' batua iamintu KalenNa Almasi.