MATIUS 26:12 - KITTA' MATANGKASA'

¹² Punna paleng natiriki minynya'-minynya' bau' KalengKu, naparuruiMa' lamange ri jerakKu.

MATIUS 26:12 ပူးပေါင်းရင်းမြစ်များ

PA'JARIANG 50:2

Nampa naparentakang Yusuf ri pangurusu' mayaka untu' ansarei rampa-rampa anjo maya'na Yakub sollanna attahang.

2 PATTOTTORANG 16:14

Nisarei rampa-rampa maya'na iamintu rampa-rampa mabau', nampa nitarawang ri pa'jerakkanna sikamma karaenga ri Kota Daud. Nampa untu' tanra pappakalompo mae ri ia, apparinrai pepe' sannaka lompona ra'yaka.

MARKUS 14:8

Anne bainea le'ba'mi nagaukang apa akkullea nagaukang. Lanri naminynya'-minynyakingKu, napasadiaMa' lanitarawang genteng tenanapa narapiki wattunna.

MARKUS 16:1

Ri wattunna allalomo allo Pammari-marianga, a'lampami Maria Magdalena, Maria amma'na Yakobus, siagang Salome, mange ammalli minynya'-minynya', untu' lanapake amminynya'-minynyaki maya'Na Isa ri jeraka.

LUKAS 23:56

Le'baki nitarawang Isa, ammotere'mi ke'nanga appasadia bunga-bunga siagang minynya'-minynya' bau', ero' napake amminynya'-minynyaki maya'Na Isa. Ri wattunna allo Pammari-mariang, ammari-marimi ke'nanga massing ri jama-jamanna, sollanna naturuki ke'nanga apa napassuroanga agamaya.

YOHANES 12:7

Mingka Nakanamo Isa, “Boli'mi kamma nappakamma anjo bainea! Nagaukang minne untu' allo lanitarawangKu.