MATIUS 25:6 - KITTA' MATANGKASA'

⁶ Ri lantannamo bangngia, nampami nia' sa'ra akkio' angkana, ‘Nia' minjo mae bunting bura'nea! Umba niruppai!’

MATIUS 25:6 ပူးပေါင်းရင်းမြစ်များ

PAMMUJI 96:13

Saba' Batara battu ammarenta ri lino, laNaadeli bansa-bansaya siagang adele' na lambusu'.

PAMMUJI 98:9

Saba' battui untu' angngadeli linoa; bansa-bansaya laNaadeli siagang adele' na tojeng.

YESAYA 25:9

Anjo wattua lanakana taua, “Sikontutojenna, Iami Allata'alata; Iami nitayanga, sollanta Napasalama'. Tojeng, Iaminne Batara; Iami nitayanga. Anne kamma akkio' rannu maki', saba' le'ba' maki' Napasalama'.”

AMOS 4:12

Lanri kammana anjo, he umma' Israel, laKuhukkungko. Jari, sadia-sadia mako andallekangi hukkungang laKupabattua mae ri kau!”

MATIUS 24:31

Nipasa'rami tarompe' lompoa. Na Nasuromo malaeka'-malaeka'Na Ana' Ma'rupataua ampa'rappungangi umma'Na battu ri sikontu linoa, battu raya sa'genna kalau', kammayatompa battu timboro' sa'genna wara'.”

MATIUS 24:44

Jari parallu tongko sadi'-sadia. Nasaba' tena nuassengi wattunna nati'ring lania' battu Ana' Ma'rupataua.”

MATIUS 25:1

“Punna battu Ana' Ma'rupataua salaku Batara, lakammai anne pangngebaranna: Nia' sampulo tulolo paerang bunting, massing angngalle sulo, nampa a'lampa mange anruppai bunting bura'nea.

MATIUS 25:31

“Punna battu sallang Ana' Ma'rupataua a'jari Karaeng siagang nirurungang ri sikontu malaeka'Na, lammempomi irate ri empoang kala'biranNa.

MATIUS 25:5

Na talintaka battu anjo bunting bura'nea. Jari appakkaramulami ta'do'do' ngaseng anjo tuloloa, sa'genna attinro.

MATIUS 25:7

Ambangummi anjo sampuloa tulolo na massing naparinra sulona ke'nanga.

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’

LUKAS 12:46

Jari tanasanna-sannayami angkana ri allo apaya siagang tette' siapa nalammotere' karaenna. Na laniba'jimo nipasitangnga mate anjo palayanga ri karaenna, sa'genna nipasangkamma sarenna siagang sikamma tau tenaya namannuruki ri Allata'ala.

1 TESALONIKA 4:16

Punna sallang naung KalenNa Isa battu ri suruga, lakkio' lompoi malaeka' lompoa siagang lanipasa'rai tarompe'Na Allata'ala untu' a'jari pammatei. Nampa nipabangung la'bi riolo tu Karistenga.

2 PETRUS 3:10

Mingka lasanrapangi palukka' kabattuanna anjo Allo kabattuanNa Batara. Anjo Alloa lassa'ra lompoi gunturuka nalanynya' langika; sikamma apa-apa niaka ri langika lala'busuki nakanre pepe'. Kammayatompa lalanynyaki buttaya siagang sikontu apa-apa niaka lalang.

PAPPICINI' 16:15

“Pilangngeri! BattuA' sangkamma palukkaka! Maupaki tau tuli a'jagaya siagang nakatutuia pakeanna, sa'genna tena nassolara' a'jappa siagang tena nasiri'-siri' a'jappa ri dallekanna tau jaia!”