MATIUS 25:45 - KITTA' MATANGKASA'

⁴⁵ Lappialimi anjo Karaenga Nakana, ‘Asseng laloi anne: ri wattunnu taeroka antulungi kalase'renna anne tau kaminang tunaya, lalang kammana minjo nutaeroka antulungA'.’

MATIUS 25:45 ပူးပေါင်းရင်းမြစ်များ

PA'JARIANG 12:3

LaKubarakkaki sikamma tau ambarakkakiako siagang laKutunrai sikamma tau antunrayako. Siagang lanri ri kau nalaKubarakkaki sikontu bansaya ri lino.”

PAMMUJI 105:15

“Teako ganggui tunipileKu, teako a'gau' ja'dalli mae ri na'bi-na'biKu!”

PANGNGEBARANG 14:31

Inai a'gau' baji' mae ri tu kasi-asia, napakala'biriki Allata'ala; inai anjallakkangi tau lammaya, nahinai Tumappare'na.

PANGNGEBARANG 17:5

Inai ancau-caui tu kasi-asi puppusuka, nahinai Allata'ala Mappa'jarina. Inai rannu lanri kasusaanna tau maraenga, mattantu anggappana hukkungang.

PANGNGEBARANG 21:13

Inai taeroka mappilangngeri ri kunrarenna tau kakuranganga, tena todong nalaniparhatikang punna appala' tulung.

ZAKHARIA 2:8

Inai-nai ampitabaiko lima, iami ampitabai lima ana' nikarimangngingKu.” Na Nasuroma' Batara Kaminang Koasaya ampabattui anne pasanga mae ri bansa-bansa le'baka angngellaki umma'Na, angkana,

PAMMILANGNGANG 24:9

Anjo bansaya rapangi singa laki siagang singa gana, ammopanga siagang anra'baya. Inaika barani ampabangungi? Dasi-dasi nanibarakkaki tau ambarakkakiako, siagang nitunrai tau antunraiyako.”

MATIUS 10:41

Inai-nai antarimai na'bia kalanri na'bina anjo taua lanatarimai sallang pahalana na'bia. Na inai-nai antarimai tau bajika kalanri baji'na anjo taua, lanatarimai sallang pahalana tau bajika.

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

MATIUS 25:44

Appialimi ke'nanga ri Ia angkana, ‘O, Batara, ringngapanna nakucinikKi' cipuru', yareka turere, yareka nitarungku, yareka a'jari tu battu-battu, yareka taccare-carea, yareka garring, natakutulungaKi'?’

MATIUS 25:46

Jari lanihukkung ngaseng minjo taua sa'genna satunggu-tungguna. Mingka tau anggaukangai ero'Na Allata'ala, lanakasia'mi katallassang sitojennaya siagang mannannunganga.”

LAMPA-LAMPANA 9:5

Akkuta'nammi Saulus nakana, “InaiKi' antu, Karaeng?” Appialimi anjo sa'raya nakana, “INakke Isa, nusessa dudua.

1 KORINTUS 8:12

Na punna nugaukang kasalang kammaya anjo mae ri parannu tu Karisteng – iamintu tu Karisteng lammaya tappa'na – doraka mako mae ri Almasi.