MATIUS 25:41 - KITTA' MATANGKASA'

⁴¹ Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

MATIUS 25:41 ပူးပေါင်းရင်းမြစ်များ

PAMMUJI 119:115

He tau ja'dalaka, bellako battu ri nakke! Erokka' mannuruki ri parentaNa Allata'alaku.

PAMMUJI 119:21

Kikalarroi tau borroa, naKitunrai tau andakkaiyai parentaTa.

PAMMUJI 139:19

Poro kitumpasa' lalo tau ja'dalaka, o, Allata'ala, Kipakabellai battu ri nakke tau appasolonga cera'!

PAMMUJI 6:8

Tabajikami paccinikku napakamma si'na nanremeng-remeng lanri musu-musungku.

YESAYA 66:24

Wattunna a'lampa ke'nanga, lanaciniki ke'nanga maya'na sikamma tau le'baka angngewa ri Nakke. Anjo olo' angkanreai ke'nanga talamateai, siagang pepe' angkanreai ke'nanga talamateai rinrana; apa appakamalla' dudua mae ri sikontu tau ancinikai.”

YEREMIA 17:5

Nakana Batara, “Punna nabokoiA' taua, Batarana, namanrannuang mae ri rupataua siagang tanjeng ri kagassinganna, laKuhukkungi anjo tau kammaya.

MATIUS 13:40

Antekamma batena nipasse're nampa nitunu anjo reaya, lakamma tommi anjo sallang ri Allo Kiamaka.

MATIUS 13:42

Lanipela' ngasengi ke'nanga antama' ri bara pepe' a'rinra-rinraya; anjoremmi ke'nanga langngarru'-arru', angkasiaki sessaya.

MATIUS 13:50

Nampa napela' anjo sikontu tau ja'dalaka antama' ri bara pepeka. Anjoremmi ke'nanga langngarru'-arru', angkasiaki sessaya.”

MATIUS 18:8

Punna passabakkang limannu yareka bangkennu nudoraka, bajikangang polongi nampa nupela'. Bajikanganji tenaya siali limannu yareka bangkennu assala' Napasalamakko Allata'ala, kala nipelakko antama' ri pepe'na narakaya sibatu kale.

MATIUS 25:42

Nasaba' ri wattungKu cipuru' tanusareA' kanre; ri wattungKu turere tanusareA' je'ne' inung.

MATIUS 25:46

Jari lanihukkung ngaseng minjo taua sa'genna satunggu-tungguna. Mingka tau anggaukangai ero'Na Allata'ala, lanakasia'mi katallassang sitojennaya siagang mannannunganga.”

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

MATIUS 4:10

Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”

MATIUS 5:22

Mingka anne kamma Kukana ri kau ngaseng, inai-nai larro ri paranna tau, laniadeli sallang; siagang inai-nai ampali'boi paranna tau musti niadeli ri dallekanna Pangadelang Agamaya. Siagang inai-nai ampakkanai paranna tau, ‘Tolo,’ siratangi nipela' antama' ri pepe'na narakaya.

MATIUS 7:23

Mingka laKukana sallang appiali, ‘Tena le'bakako Kuasseng! A'lampa ngasengko anrinni ikau le'baka a'gau' ja'dala'!’ ”

LUKAS 13:27

Mingka lanakanamo pole anjo karaenga, ‘Takuassengako angkana tau battu kemaeko. Bellako anrinni, ikau tau a'gau' ja'dalaka!’

LUKAS 16:24

A'gorami anjo tau kalumanynyanga angkioki Abraham nakana, ‘O, Pa' Abraham! Kikamaseang laloa'. Kisuro sai Lazarus ambasai karemenna antama' ri je'neka nampa naung mae ambassai lilaku. Teai sipato' sessana kusa'ring ammantang lalang ri anne pepeka!’

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

2 TESALONIKA 1:7

Na untu' ikau angkasiakai pa'risika ri kamma-kammaya anne – kammayatompa ri kambe – laNasareki' kasalewangang Allata'ala, punna battu sallang Batara Isa, manaunga battu ri suruga ampa'nyatai KalenNa siagang malaeka'-malaeka' lompoNa

2 TESALONIKA 1:9

Anjo tau kammaya langgappai hukkungang kapanrakang sa'genna satunggu-tungguna; nipelaki assulukang battu ri pammantanganNa Batara, battu ri kalompoanNa siagang kakoasanNa,

IBRANI 6:8

Mingka punna rea siagang ruku'-ruku' akkatinting wassele'na anjo buttaya, tenamo matu-matunna anjo buttaya siagang lanitunrai sallang ri Allata'ala nampa ri kala'busanna lanitunui sa'genna la'busu'.

2 PETRUS 2:4

Manna malaeka'-malaeka' dorakaya tena todong nalata'lappasa' battu ri hukkunganNa Allata'ala. Lanipela' tongi ke'nanga antama' ri naraka. Nipantamaki ke'nanga ri tampa' sassanga, nanitahang anjoreng sa'genna narapi' Allo Pangadelanga.

1 YOHANES 3:10

Iaminne sisalana ana'-ana'Na Allata'ala siagang ana'-ana'na Billisika: inai-nai tena nagaukangi ero'Na Allata'ala, yareka tena nakamaseangi paranna tau, anjo taua teai ana'Na Allata'ala.