MATIUS 25:36 - KITTA' MATANGKASA'

³⁶ Tena care-carengKu nusareA' care-care. GarringA' nuparakaiA'. NitarungkuA' nanutulungA'.’

MATIUS 25:36 ပူးပေါင်းရင်းမြစ်များ

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

YEHEZKIEL 18:16

yareka najallakkang yareka naella' paranna tau. Tuli napoterangi barang-barang napappita'gallanga taua mae ri ia. Tau cipuruka nasarei kanre na tau tenaya bajunna nasarei pakeang.

YEHEZKIEL 18:7

Tale'bakai annipu yareka angngella'. Barang-barang napappita'gallanga taua mae ri ia tuli napoterangi. Tau cipuruka nasarei kanre na tau tenaya bajunna nasarei baju.

YEHEZKIEL 34:4

Gimbala'nu dodonga tena nuparakai, ia garringa tena nuballei, ia bokkaka tena nurokoki loko'na, ia sala oloanga siagang tappelaka tena nuboyai nampa nuerang ammotere'. Ba'lalo sikamma anjo gimbalaka nukapallakki.

MATIUS 25:37

Nakana ngasemmo anjo taua, ‘O, Batara, ringngapanna nakucinikKi' cipuru' nakusareKi' kanre, yareka turereKi' nakusareKi' je'ne' inung?

MATIUS 25:43

Ri wattungKu a'jari tu battu-battu taerokako ampariballakKa'. Tena Kuccare-care, natanusareA' care-care. GarringA' siagang nitarungkuA', natena nuparakaiA'.’

LUKAS 3:11

Appialimi Yohanes nakana, “Tau niaka ruang lawara' bajunna, musti napassareangi silawara' mae ri tu tenaya bajunna. Na tau niaka kanrena, musti nabagei tongi tu tenaya kanrena.”

LAMPA-LAMPANA 20:35

Lalang ri kammana anjo, nakusare mako conto, angkanaya paralluki' anjama terasa', sollanna akkulle nitulung tu tenaya pakkullena. Nasaba' parallui niu'rangi apa le'baka Napau Isa, angkanaya, ‘La'bi te'neangangi nikanaya assare naia nikanaya annarima.’ ”

IBRANI 10:34

Siagang amminawang tongko ampisa'ringi si'nana tau nitarungkua. Siagang ri wattunna nialle passa apa-apannu, nupassareangi siagang sannang pa'mai'. Nasaba' nuassengi angkanaya nia' ijapa ri kau apa la'bi bajikanganga, akkullea attahang sa'genna satunggu-tungguna.

IBRANI 13:3

U'rangi tau niaka lalang ri tarungkua, sanrapang angkana nia' tongko lalang ri tarungkua siagang ke'nanga. Kammayatompa u'rangi tongi tau nigau' takamma-kammaya, sanrapang angkana ikau nipakamma tongko anjo.

YAKOBUS 1:27

Tutu situlusu'na siagang sitojennaya ri agamaya situru' paccini'Na Allata'ala, iamintu annulunga ana'-ana' kukang siagang janda-janda kasi-asi, kammayatompa mangngatutui ri kale sollanna tena nanipanraki ri anne linoa.