MATIUS 25:29 - KITTA' MATANGKASA'

²⁹ Nasaba' tau niakamo ri ia, lanitambaiangi pole la'bi jai, sollanna la'jari kala'biang. Mingka tau tenayapa ri ia, lanialleangi pole apa-apa niaka sike'de' ri ia.

MATIUS 25:29 ပူးပေါင်းရင်းမြစ်များ

PIRAUNG 2:6

Naancuruki Balla'Na tampa' pa'rappunganna umma'Na untu' anynyomba ri Ia. Napatakkaluppai taua ri allo Pammari-marianga siagang allo-allo lompoa. Lanri tamaka larroNa Batara, Nasorongbokomi imanga siagang karaenga.

HOSEA 2:9

Lanri kammana anjo, ri wattu pakkattoanga sallang laKuallei ammotere' passareKu, iamintu gandung, anggoro', kaeng wol siagang kaeng lenang Kupassareanga mae ri ia untu' pakeanna.

MATIUS 13:12

Nasaba' tau niakamo apa-apanna lanitambaiangi pole sijaiang, sa'genna kala'biang. Mingka tau tenaya apa-apanna, yareka naniaka sike'de' apa-apanna, lanialleangi ba'lalo ammotere'.

MATIUS 21:41

Appialimi ke'nanga angkana, “Mattantu lanabunoi anjo tau ja'dala' kammaya. Nampa napappitesangang ri tau maraeng anjo kokonna, eroka ambagei punna narapi' wattunna nibage wassele'na anjo kokoa.”

MATIUS 25:28

Lanri kammana, allei ammotere' anjo doeka battu ri ia nampa nusareang anjo tau niaka sampulo sa'bu doe' ringgi' bulaenna.

MARKUS 4:25

Nasaba' tau niakamo apa-apanna, lanisarei pole jai; mingka tau tenaya apa-apanna, lanialleangi ba'lalo apa-apa niaka sike'de' ri ia.”

LUKAS 10:42

Sikontutojenna nia' se're passala' la'bi parallu. Na iaminjo se'rea, sannaka baji'na siagang sannaka paralluna le'ba' napilei Maria, tenaya nalatappela'!”

LUKAS 8:18

Lanri kammana, pilangngerimi baji'-baji' apa-apa nulangngereka. Nasaba' tau niakamo apa-apanna lanitambaiangi pole jaiangang; mingka tenaya apa-apanna, manna apa sike'deka ri ia lanialleangi pole ammotere'.”

YOHANES 11:48

Punna nipa'laloangi tuli appakamma anjo, kale'bakkanna latappa' ngasengi taua ri Ia. Na kale'bakkanna labattumi pamarenta Roma angngancu'-ancuruki Balla'Na Batara siagang sikontu bansata!”

YOHANES 15:2

Sikamma tangke-tangke niaka ri Nakke nata'rappoa, lanipelaki. Na sikamma tangke-tangke a'rappoa, lanitangkasi sollanna pila' jai rapponna.

PAPPICINI' 2:5

Lanri kammana, u'rangi angkanaya teaimi sipato' lantanna katu'gurannu! Toba' laloko ri dosa-dosanu, siagang gaukangi ammotere' apa le'baka nugaukang ri pakaramulanna. Punna tena, labattuA' nampa Kubi'bu' ammotere' anjo bangkeng lampunnu battu ri pammantanganna.