MATIUS 25:17 - KITTA' MATANGKASA'

¹⁷ Kamma tomminjo nagaukanga palayang annarimaya ruassa'bu doe' ringgi' bulaeng; nanggappamo passawallang ruassa'bu doe' ringgi' bulaeng.

MATIUS 25:17 ပူးပေါင်းရင်းမြစ်များ

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

2 SAMUEL 19:32

Anjo lapung Barzilai sanna'mi toana, umuru'na narapi'mi sagantujupulo taung. Teai sipato' kalumanynyanna. Na ri wattunna ammantang karaenga pirangalloang ri Mahanaim, iaminjo Barzilai ampasadiangi apa lanakanrea karaenga.

MATIUS 25:16

Anjo palayang annarimaya limassa'bu doe' ringgi' bulaeng, a'lampa memammi a'danggang; nanggappamo passawallang limassa'bu doe' ringgi' bulaeng.

MATIUS 25:18

Mingka anjo palayang annarimaya sisa'bu doe' ringgi' bulaeng, a'lampami angngeke kali'bong nampa nacokko doe'na karaenna anjoreng.

LAMPA-LAMPANA 10:2

Ia tau malla' ri Allata'ala. Sikontu bone balla'na tau anynyomba ngaseng mae ri Allata'ala. Jai tu kasi-asi bansa Yahudi natulung. Tuli appala' doangi ri Allata'ala lalang tallasa'na.

2 KORINTUS 8:12

Punna rellako assare, ma'nassa laNatarimai Allata'ala anjo passarenu. Lanatarimai situru' pakkullenu, tena nasituru' apa tenaya ri kau.

EFESUS 5:16

Pake bajiki sikontu kasampatang niaka ri kau; nasaba' anne jammanga, jammang kaja'dallang.

KOLOSE 4:17

Siagang pauangi Arkhipus, angkanaya, “Pa'le'baki jama-jamang nipassareanga mae ri kau untu' allayani Batara.”

1 TIMOTIUS 5:10

niassemmi angkanaya nangai a'gau' bajika, kammaya: le'ba'mi napakalompo baji' ana'-ana'na, nangai annarimaya toana a'bangngi ri balla'na, nalayani tau tappaka, siagang natulungi tau susaya; bodona kana, le'ba'mi nagaukang tojeng-tojeng a'rupa-rupaya jama-jamang baji'.

1 PETRUS 4:10

Massing annarima ngaseng mako passare pakkulle battu ri Allata'ala; anjo passarea tena nasangkamma-kamma. Lanri kammana, urusu' bajiki anjo passareNa Allata'ala; parallui massing nupake anjo pakkullea untu' kaparalluang nupa'juluia ngaseng.