MATIUS 25:1 - KITTA' MATANGKASA'

¹ “Punna battu Ana' Ma'rupataua salaku Batara, lakammai anne pangngebaranna: Nia' sampulo tulolo paerang bunting, massing angngalle sulo, nampa a'lampa mange anruppai bunting bura'nea.

MATIUS 25:1 ပူးပေါင်းရင်းမြစ်များ

PAMMUJI 45:14

Antama'mi baine karaeng sanna' accayana, ro'na nisulang bulaeng.

KELONG MALA'BIRI' 1:3

Ikau sanna' mabau'nu, arennu sanrapang minynya' mabau' tattumpaya; lanri kammana minjo nanangaiko tuloloa!

KELONG MALA'BIRI' 5:16

Tamaka baji'na pau-pauanna, yangasenna ri kalenna angngallei pa'mai'. Kammaminjo tanringku siagang sahabakku, he sikamma tulolonna Yerusalem!

KELONG MALA'BIRI' 5:8

A'janjiko, he sikamma tulolonna Yerusalem, punna nubuntulu' tanringku, pabattu laloi mae ri ia angkana garringa' ri pattanringang.

YESAYA 54:5

Mappa'jarinu rapangi bura'nennu, Allata'ala matangkasa'na Israel Iami Mappasalama'nu. Batara Kaminang Makoasaya, iaminjo arenNa, Ia Allata'ala makoasa ri sikontu linoa.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

MATIUS 13:24

Napaccaritammi pole Isa se're pangngebarang maraeng anjo tau jaia. Nakana, “Punna ammarenta Allata'ala, pangngebaranna lakammaminne: Nia' sitau pamarri appakioro' bine ri tanana.

MATIUS 13:31

Napaccaritammi pole Isa se're pangngebarang anjo tau jaia. Nakana, “Punna ammarenta Allata'ala, pangngebaranna lakammaminne: Nia' silisere' parekang lamungang ca'di dudu nialle ri se'reang tau, nampa nalamung ri kokonna.

MATIUS 13:38

Anjo tanaya, iaminne linoa nataba. Na anjo lamungang bajika, iamintu tau a'jariamo umma'Na Allata'ala. Na anjo reaya, iamintu tau mannurukia ri Billisika.

MATIUS 13:47

“Punna ammarenta Allata'ala, lasanrapangi jala nibuanga ri tamparanga, nanggappa a'rupa-rupa juku'.

MATIUS 20:1

“Punna ammarenta Allata'ala, pangngebaranna lakammaminne: Nia' se're tau ero' a'boya pajama ri koko anggoro'na. A'lampa bari'basa'mi a'boya tau.

MATIUS 22:2

Nakana, “Punna ammarenta Allata'ala kammaminne pangngebarranna: Nia' se're Karaeng ampa'buntingi ana'na bura'nea, nanapassua'-suarrang.

MATIUS 25:7

Ambangummi anjo sampuloa tulolo na massing naparinra sulona ke'nanga.

MATIUS 3:2

“Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

MATIUS 9:15

Appialimi Isa angkana, “Maka biasai toanaya si'na atinna punna nia' ija bunting bura'nea ri tangnga-tangngana ke'nanga? Antekamma panggappanu? Tantu tena! Mingka lanarapiki sallang wattunna lanialle anjo bunting bura'nea battu ri tangnga-tangngana ke'nanga. Iaminjo wattua nalasi'namo atinna ke'nanga.

YOHANES 18:3

Jari battumi Yudas mange anjoreng, angngerang se're pasukang tantara Roma siagang siapa are pangawala'na Balla'Na Batara. Iaminne ke'nanga nisuroa ri imang-imang kapalaya siagang tu Farisia. Angngerangi ke'nanga sanjata, lampu, siagang sulo.

YOHANES 3:29

Ia bunting bainea, bunting bura'nea pata. Anjo passari'battanganna bunting bura'nea poro ammentennaji anrurungangi siagang ampilangngeri kananna; na sanna' nangaina ampilangngeri sa'ranna anjo bunting bura'nea. Inakke kamma tomma' anjo. Sannang sikalimi atingku kamma-kamma anne.

LAMPA-LAMPANA 20:8

Anjo kamara' nipa'rappungia kamara' irateang. Jai lampu lalang ri anjo kamaraka.

1 KORINTUS 11:2

Siratangko kupuji nasaba' tuli nuu'rangia' siagang tuli nuta'gala' jarreki pappilajarang le'baka kupassareang mae ri kau.

2 KORINTUS 11:2

Nakkuka' mae ri kau ngaseng, sangkamma KalenNa Allata'ala nakku' tongi mae ri kau ngaseng. Sanrapangko se're tulolo, le'bakamo kujanji lakupa'nikka siagang sitau bura'ne, iamintu Almasi.

2 TIMOTIUS 4:8

Na kamma-kamma anne sadiami hadia pammetangku. Ri Allo Kiamaka sallang, laNapassareammi Batara, Haking adeleka, anjo hadiaya mae ri nakke, lanri assibajikingku siagang Allata'ala lalang ri katallassangku. Siagang teai inakkeji bawang lannarima hadia kammaya anjo, mingka sikontu pole tau sannaka nakku'na antayangi kabattuanNa Batara.

TITUS 2:13

Kamma-kamma anne nitayammi anjo Allo niminasaya; anjo Alloa lanacini'mi bonena linoa kala'biranNa Isa Almasi, iamintu Allata'ala Kaminang Lompoa siagang Karaeng Mappasalamatta.

PAPPICINI' 14:4

Iaminjo ke'nanga le'baka anjagai katangkasanna ke'nanga lanri tenana nale'ba' sialle siagang bai'-bainea; tangkasaki ke'nanga sangkamma tuloloa. Amminawangi ke'nanga ri Ana' Gimbalaka manna kemae Nalampai. Iaminjo ke'nanga le'baka nilappassang battu ri sikontu rupataua, a'jari bungasa' passare mae ri Allata'ala siagang mae ri Ana' Gimbalaka.

PAPPICINI' 19:7

Maeko kima'rannu-rannu siagang assannang-sannang; maeko nanipuji kalompoanNa! Nasaba' narapi'mi allo pa'buntinganNa anjo Ana' Gimbalaka, siagang sadiami balinNa untu' lanipa'bunting.

PAPPICINI' 21:2

Kucini'mi anjo kota matangkasaka, iamintu kota Yerusalem berua, turunga battu ri Allata'ala ri suruga. Le'ba'mi nipasadia anjo kotaya sanrapang bunting baine nimodeia untu' bunting bura'nena.

PAPPICINI' 21:9

Kalase'renna anjo tujua malaeka' anta'galakai pammoneanna anjo tujua bala kala'busang, battui mae ri nakke na nakana, “Maeko! Lakupicinikiangko Buntinga, iamintu bainenNa anjo Ana' Gimbalaka.”

PAPPICINI' 4:5

Accayai anjo empoang kala'biranga sanrapang kila' angngeranga sa'ra gunturu' sannaka lompona. Na ri dallekanna anjo empoang kala'biranga, nia' tuju sulo a'rinra; iaminjo tujua RohNa Allata'ala.

PAPPICINI' 8:10

Nampa napasa'ra tarompe'na malaeka' makatallua; na nia'mo se're bintoeng lompo, a'rinra-rinraya sangkamma sulo, tu'guru' battu rate ri langika, nanatuju bage talluna sikontu binangaya siagang sikontu timbusenna je'neka.