MATIUS 24:7 - KITTA' MATANGKASA'

⁷ Bansa se'rea la'bunduki siagang bansa maraenga, siagang se'rea pa'rasangang lanabakkai pa'rasangang maraenga. Ri kere-keremae lakajariangi bala kacipuranga siagang lata'ge'gosoki linoa.

MATIUS 24:7 ပူးပေါင်းရင်းမြစ်များ

2 PATTOTTORANG 15:6

Bansa se'reanga najallakkangi bansa maraenga, siagang kota se'reanga najallakkangi kota maraenga, lanri appabattui Allata'ala karicuang lompo mae ri ke'nanga.

YESAYA 19:2

Nakana Batara, “LaKupa'jari pa'bundukanga ri para tussari'battanga ri Mesir: Sari'battang ambaliangi sari'battanna, siampi' balla'na ambaliangi siampi' balla'na, kota se'reanga ambaliangi kota maraenganga siagang kakaraengang se'rea ambaliangi kakaraengang maraengannaya.

YESAYA 29:6

LaNapakabebasaki Batara Kaminang Makoasaya anjo kotaya siagang anging lompo kammayatompa Napata'ge'goso' lompoi buttaya. Lappabattui anging kancang siagang pepe' a'jalloka rinrana.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

YEHEZKIEL 21:27

Anne kotaya laKuancuru' taba sikali, sa'genna kemae-kemae nia' loro-loro. Mingka anjo passalaka nampami kajariang punna anjo tau Kupilea untu' anghukkungi anne kotaya battumi. Mae ri ia laKupassareang anne kotaya.’ ”

ZAKHARIA 14:13

Ri anjo alloa laNapa'jari lingui Batara sikamma anjo bansa-bansaya siagang a'jari sanna' malla'na ke'nanga, sa'genna tunggala' taua lanajakkalaki aganna niaka ri sa'rinna na nabuccu'.

LUKAS 21:11

Lata'ge'gosoki buttaya ri kere-keremae. Lanaallei cipuru' siagang lanatabai garring sikamma rupataua. Nia' lakajariang apa-apa sannaka appakamalla'na rate ri langika.

LAMPA-LAMPANA 11:28

Kalase'renna ke'nanga niarengi Agabus. Lanri pangngajara'Na RohNa Allata'ala, natappu riolomi angkanaya lakajariangi sallang ri sikontu linoa kacipurang lompoa. (Na anjo napakkanaya kajariang tojemmi ri wattunna Karaeng Klaudius ammarenta.)

LAMPA-LAMPANA 2:19

Lappa'niakKa' apa-apa appakalannasa' rate ri langika, siagang gau'-gau' tantamaya ri akkala'nu irawa ri anne linoa; lania' cera' siagang pepe', umbu siagang saliu'.

IBRANI 12:27

Bicara angkanaya “sikalipi pole” Napa'nassai angkanaya lanigoccangi siagang lanipelaki sikontu lino le'baka nipare', sa'genna ia mami ammantang sikamma tenaya nakkulle ta'goccang.

PAPPICINI' 6:12

Nampa Nareppe' kucini' anjo Ana' Gimbalaka segele' makaannanga. Ta'ge'goso' sanna'mi linoa. A'jari le'lemmi matanna alloa sangkamma kaeng le'leng kasaraka; kammayatompa a'jari ejami bulanga sangkamma cera'.

PAPPICINI' 6:5

Nampa Nareppe' anjo Ana' Gimbalaka segele' makatallua. Nakulangngere'mo olo'-olo' makatallua angkana, “Maeko!” Kucinikimi, nampa nia' kucini' sikayu jarang le'leng. Pabaena anna'galaki sipasang timbangang ri limanna.

PAPPICINI' 6:6

Na nia'mo kulangngere' se're sa'ra, kammaya nilangngere' sa'ra akkioka ri tangnga-tangngana anjo appaka anu attallasa'. Nakana anjo sa'raya, “Silitere' berasa' baji' singnganggaraki passawallang siallo, siagang tallung litere' berasa' maraeng singnganggara' tongi passawallang sialloa. Mingka teako panraki poko'-poko' zaitunga siagang koko anggoroka!”

PAPPICINI' 6:8

Kucinikimi, nampa nia' kucini' sikayu jarang pi'lasaka tanja'na. Pabaena niarengi Kamateang. Ri bokona a'reppese'mi amminawang Lino Kamateanga. Kakoasanga mae ri bage appa'na anne linoa nipassareangi mae ri ke'nanga, sollanna akkulle ke'nanga ammuno lalang ri pa'bundukanga, lalang ri kacipuranga, lalang ri kagarringanga, kammayatompa battu ri olo'-olo' sekkeka.