MATIUS 24:6 - KITTA' MATANGKASA'

⁶ Lanulangngereki sallang sa'ra bunduka, kammayatompa kabara' pa'bundukanga. Mingka teako mallakki. Nasaba' anjo sikammaya lakajariang ngaseng memang tongi; mingka teaipi anjo wattua nabattu allo kiamaka.

MATIUS 24:6 ပူးပေါင်းရင်းမြစ်များ

PAMMUJI 112:7

Tena namalla' annarima kabara' kodi, jarreki pa'mai'na lanri tappaki ri Batara.

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 7:4

Pauangi anjo karaenga angkana musti sadia-sadiai, mingka tuli sannangi. Teami mallakki yareka lingui. Anjo larrona Karaeng Pekah siagang Karaeng Rezin siagang anjo tantarana tu Siria, tena nalompoangngang bahayana na ruaya cappa' kayu tunuang a'rumbua.

YEREMIA 47:6

Ammarrangko angkana, ‘Siapapi sallonu la'bundu', he pa'danNa Batara? Ammotere' mako antama' ri banoannu nampa ammantang mako anjoreng siagang sannang!’

YEHEZKIEL 21:28

“He tau, a'boto mako! Pauangi tu Amon le'baka anghinai tu Israel, angkanaya iNakke, Batara Kaminang Tinggia, akkana, ‘Se're pa'dang sadiami untu' ammuno; anjo pa'danga le'ba'mi nikantisi' sa'genna accilla' sangkamma kila', sollanna sadia untu' ammuno.

MATIUS 2:3

Nalangngere'na Herodes anjo kabaraka, teaimi sipato' ta'bangkana. Kammayatompa sikontu tau niaka ri Yerusalem ta'bangka ngaseng tommi.

MATIUS 24:14

Na lanibirittakammo ri sikontu linoa Kabara' Bajika, ri passala' antekamma batena ammarenta Allata'ala, sollanna nalangngere' ngaseng taua. Le'baki anjo nampami battu allo kiamaka.”

MATIUS 26:54

Mingka punna kamma anjo, antekammami la'rupa apa le'baka napau Kittaka, angkanaya tena takajarianna anjo ri kamma-kammaya anne?”

LUKAS 21:19

Punna sa'barakko siagang attahangko, lanipasalamakko.”

LUKAS 21:9

Tea tongko mallakki punna allangngerekko kabara' pa'bundukang siagang passisala-salang. Ia ngaseng minjo musti kajariang rolong. Mingka tenapa nakkulle nikana narapi'mi wattu allo kiamaka.”

LUKAS 22:37

Nasaba' patappaki anne nipaua lalang ri Kittaka angkanaya, ‘Lanibilangi tau ja'dala'.’ Iaminne musti lakajariang ri KalengKu. Nasaba' apa tattulisika lalang ri Kittaka passala' ri Nakke, iaminne kajariang ri kamma-kammaya anne.”

YOHANES 14:1

Nakana Isa ri ke'nanga, “Teako lussaki ri atinnu. Tappa' mako mae ri Allata'ala, siagang tappa' tommako mae ri Nakke.

YOHANES 14:27

Kubolikang mako kasalewangang. Kasalewangang battua ri KalengKu Kupassareang mae ri kau. Na anjo apa Kupassareanga mae ri kau, tasangkammayai apa napassareanga linoa mae ri kau. Teako lussaki pa'mai'nu, siagang teako mallakki.

2 TESALONIKA 2:2

Teako linta' dudui a'jari lingu siagang lussa' lanri nia'na kabara' angkanaya narapi'mi allonna labattu poleang Batara Isa. Nakulle kapang anjo kabaraka battu ri pappiso'nai, yareka battu ri pangngajarangi; yareka nia' kapang tau angkana le'baki natulisi' ikambe anjo kabaraka lalang ri sura'na ikambe.

PAPPICINI' 6:4

Nampa nia'mo pole jarang maraeng assulu'. Anjo jaranga ejai tanja'na. Pabaena anjo jaranga nisarei koasa ampattaenai passiamakkanga ri lino, sollanna massing sibuno-buno rupataua. Jari nisaremi se're pa'dang lompo.