MATIUS 24:49 - KITTA' MATANGKASA'

⁴⁹ ‘Lasallo iji nampa ammotere' karaenga,’ naallemi naba'ji palayang-palayang maraenga. Nampa angnganre siagang angnginung-nginung siagang tu nangaia angnginung sa'genna nasa'ring.

MATIUS 24:49 ပူးပေါင်းရင်းမြစ်များ

PANGNGEBARANG 23:20

Teako sileporangi siagang painunga siagang tau angngoaya,

YESAYA 56:12

Sikamma painunga anjo nakana, ‘Umba kingnginung anggoro' sa'genna sukku' pakkasiatta. Ammukoa lala'bi bajikangngangi na anne alloa!’ ”

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

YEHEZKIEL 34:3

Dadi'na nuinungi, bulu-bulunna nupareki pakeang, siagang gimbala' kaminang co'moka nupolongi nampa nukanrei. Tale'bakai nuurusu' sikamma gimbala'nu.

MIKHA 3:5

Bansaku nitipui ri na'bi-na'bi ambotoai apa bajika mae ri tau assarea doe', mingka namusui siagang nabalang parekangi tau tenaya nassare doe'. Ri na'bi-na'bi kammaya anjo, Nakana Batara,

MATIUS 18:28

Ri wattunna assulu'mo anjo taua, sibuntulammi paranna ata, kainranganga ri ia pirassa'bu are jaina. Nata'gala'mi anjo aganna nanaaccekang kallonna nampa nakana, ‘Bayara' ngasengi inrannu!’

MATIUS 24:48

Mingka punna kodi sipa' anjo palayanga, lanakanamo lalang ri nyawana,

MATIUS 24:50

Nati'ring ammotere' karaenna ri allo siagang ri tette' tenaya naassengi.

MATIUS 7:15

“Tutuko mae ri na'bi-na'bi palassua. Sanrapangi nicini' gimbala' ke'nanga, mingka sikontutojenna sanrapangi kongkong nye'nyereka lalang nyawana ke'nanga.

YOHANES 2:10

na nakana ri ia, “Biasaya, anggoro' kaminang bajika rolong napattoanang taua, nampa punna sukku'mo nasa'ring toanaya, nampami nipassareang anggoro' biasaya. Mingka ikau nuboliki rolong anggoro' kaminang bajika sa'genna ri kamma-kammaya anne!”

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

2 KORINTUS 11:20

Nubalang parekangi kalennu punna nipare' atako ri taua, yareka napaccokko siagang napassawalliko, kammayatompa nakana kalenna tinggiangangi na ikau, nampa barani antempaka'rangko!

FILIPI 3:19

Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.

1 PETRUS 5:3

Teako a'jari kammai tau koasa mae ri ke'nanga, nipappirannuanga mae ri kau. Mingka a'jariko conto baji' mae ri ke'nanga.

YUDAS 1:12

Ri wattunnu assua'-suara' angnganre, ia ngasemmi anjo tau kammaya anra'massiko. Nasaba' tena siri'na ke'nanga angnganre siagang sanna' angngoana; kaparalluang kalennaji bawang najampangi ke'nanga. Sanrapangi ke'nanga rammang nairika anging mingka tena nappaturung bosi. Sanrapang tongi ke'nanga poko' kayu tenaya na'rappo manna pole nawattu pa'rappoammo; sanrapangi poko' kayu le'bakamo nibi'bu' siagang mate taba sikalimi.

PAPPICINI' 13:7

Nipa'biang tommi angngewai siagang ambetai Umma'Na Allata'ala. Kammayatompa nipassareammi ri ia kakoasanga mae ri sikontu sukua, pa'rasanganga, bahasaya, siagang bansa-bansaya.

PAPPICINI' 16:6

Le'baki napassolong cera'na Umma'Na Allata'ala siagang cera'na na'bi-na'bia; kamma-kamma anne Kisuromi ke'nanga angnginung cera'. Memang siratang memang tongi anjo kammaya mae ri ke'nanga!”

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.

1 SAMUEL 2:29

Jari angngapa nungngoa ija anciniki koro'bang-koro'bang napassareanga bansaKu mae ri Nakke situru' Kuparentakanga? Angngapako Eli, nala'bi nupakala'biri' ana'-ana'nu kala iNakke, siagang angngapa nanubalang parekang ke'nanga ampakaco'moki kalenna battu ri bageang kaminang bajika ri sikontu apa napassareanga bansaKu mae ri Nakke?