MATIUS 24:43 - KITTA' MATANGKASA'

⁴³ U'rangi minne! Ka'de' naasseng patanna balla' angkanaya tette' siapa ri bangngia nalabattu palukkaka, tenaja nalattinro, sollanna tena nantama' palukkaka ri balla'na.

MATIUS 24:43 ပူးပေါင်းရင်းမြစ်များ

AYUB 24:16

Palukkaka ammongkaraki balla' ri wattu bangngi; ri wattu allo a'lilimi ri singaraka nampa accokko.

PANGNGEBARANG 7:19

Tenaji bura'nengku ri balla', sitabangi lalang pa'lampang bella.

MATIUS 14:25

Ri wattunna subumo, nia'mi Isa battu, a'jappa irate ri tompo'na je'neka.

MATIUS 20:11

Natarimana doeka ke'nanga, a'moro-moromi ke'nanga ri anjo patannaya koko.

MATIUS 24:42

Jari a'jaga-jagako, nasaba' tena nuassengi ringngapanna nalabattu Bataranu.

MATIUS 24:44

Jari parallu tongko sadi'-sadia. Nasaba' tena nuassengi wattunna nati'ring lania' battu Ana' Ma'rupataua.”

MATIUS 25:10

A'lampami anjo tulolo toloa mange ammalli minynya' tana ri ga'dea. Lalang a'lampana ke'nanga, battumi bunting bura'nea. Antama'mi anjo tulolo cara'deka anrurungangi anjo bunting bura'nea ri tampa' passua'-suarranga, nampa nitongko' pakke'buka!

MATIUS 25:13

Le'baki anjo Natongko'mi Isa anjo pangngebaranga Nakana, “Lanri kammana, a'jaga-jaga mako, nasaba' tena nuassengi allonna siagang tette'na nabattu Ana' Ma'rupataua.”

MARKUS 13:35

Jari paralluko a'jaga-jaga, nasaba' tena nuassengi ringngapanna nalammotere' patanna balla'. Akkulle ri wattu karuenna alloa, akkulle ri tangnga bangngia, akkulle ri wattu subua, yareka ri wattu lammumbana alloa.

MARKUS 6:48

Naciniki ana'-ana' gurunNa sidodongi ambisei anjo biseanga lanri a'ruppangi siagang anging. Jari kira-kira tette' tallu sa'genna tette' annang ri bari'basaka, battumi Isa mae ri ke'nanga, a'jappa ri tompo'na je'neka. A'jappa tulusuki kamma angkana lanalaloi ke'nanga.

LUKAS 12:38

Teai sipato' upa'na ngaseng anjo palayang-palayanga punna nirapikang ri karaenga sadia attayang, manna pole lantammi bangngia yareka salloangampa pole nampa ammotere' anjo karaenga.

LUKAS 12:39

U'rangi anne! Ka'de' naasseng patanna balla' angkanaya tette' siapa nalabattu palukkaka, tantu lanajagaiji sollanna tena nantama' anjo palukkaka ri balla'na.

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

PAPPICINI' 16:15

“Pilangngeri! BattuA' sangkamma palukkaka! Maupaki tau tuli a'jagaya siagang nakatutuia pakeanna, sa'genna tena nassolara' a'jappa siagang tena nasiri'-siri' a'jappa ri dallekanna tau jaia!”

PAPPICINI' 3:3

Jari, u'rangi ammotere' apa le'baka nipangngajarrang mae ri kau riolo siagang apa le'bakamo nulangngere'. Gaukangi anjo sikammaya, siagang toba' ngaseng mako battu ri dosa-dosanu. Punna tambangungako, labattuA' mae ri kau sanrapang palukkaka; natanuassenga angkanaya ringngapanna wattua naKulabattu.