MATIUS 24:39 - KITTA' MATANGKASA'

³⁹ Ri wattunna battumo a'ba lompoa antujui ke'nanga nampami naasseng ke'nanga apa kajarianga. Kamma tomminjo lampa-lampana sallang punna battu Ana' Ma'rupataua.

MATIUS 24:39 ပူးပေါင်းရင်းမြစ်များ

PANGNGEBARANG 23:35

Nampa lanukana, “Nia' kutadeng tau antunrunga' siagang antempa ka'ranga', mingka takkulleai kuu'rangi angkana apa kutadeng le'ba' kajariang. Dedeh, ta'do'do' dudua'! Parallua' pole angnginung!”

PANGNGEBARANG 24:12

Akkulle jako angkana, “Anjo teai urusangku.” Mingka Najannangngiko Allata'ala. Naassengi siagang Naadeli pikkirannu. Nabalasaki rupataua situru' panggaukanna.

PANGNGEBARANG 29:7

Tau bajika naassengi ha'na tau lammaya, mingka tau ja'dalaka tanapahangai.

YESAYA 42:25

Jari nikasia'mi pangngalarroi heba'Na, sessa maki' lanri pa'bundukang lompo. PangngalarroinNa rapangi pepe' angkanrei Israel, mingka taniassengai kalenta, siagang tena nippilajara' battu ri apa le'baka nikasia'.

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

MATIUS 24:3

Le'baki anjo, a'lampami Isa mange ri Bonto Zaitun. Na ammemponamo, battumi ana'-ana' gurunNa angngagangi a'bicara kale-kalenna. Nakanamo ke'nanga ri Ia, “Kipaumi ri kambe anne, singngapanna nalakajariang ngaseng anjo kammaya? Apa la'jari pammateina punna battu poleangKi' sallang ri allo kala'busang jammanga?”

MATIUS 24:30

Le'baki anjo lammumbami rate ri langika pammatei kabattuanNa Ana' Ma'rupataua. Na anjo wattua langngarru' ngasemmi sikontu bansa-bansa niaka lalang lino. Lanacini'mi ke'nanga battu Ana' Ma'rupataua ri tompo'na rammanga, lalang koasaNa siagang kala'birang malompoNa.

MATIUS 24:37

Punna sallang battu Ana' Ma'rupataua, lakammai lampa-lampana ri jammanna Na'bi Nuh.

MATIUS 24:40

Anjo wattua nia' tau rua sitabang anjama ri kokoa: sitau lanierang, na sitau laniboli'.

LUKAS 19:44

Lanaancurukko siagang sikontu bonenu; na tenanniakka manna sibatu batu tela lanakellai ammantang tassusung ri tampa'na, lanri tenana nanujampangi ri wattunna battu Allata'ala untu' ampasalamakko!”

YOHANES 3:20

Inai-nai a'gau' ja'dala', iami angkabirisi Singaraka; taerokai battu mae ri singaraka, sollanna tena nakacinikang panggaukang ja'dala'na.

LAMPA-LAMPANA 13:41

‘Parhatikangi baji'-baji' ikau tau nungaia pahina-hina! La'jari lannasakko, nunampa mate! Nasaba' anne jammanga nia' apa-apa Kugaukang tenaya nalanupatappaki, manna nia' tau ampakasingaraki mae ri kau.’ ”

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

2 PETRUS 3:5

Napakkunjungiangi taeroka ke'nanga angngassengi angkanaya langika siagang buttaya nipa'jari la'bi riolo tete ri kananNa Allata'ala; angkanaya je'ne' siagang battu ri je'neki nipa'jari buttaya;

HAKING-HAKING 20:34

Anjo ke'nanga sangnging tau nipile battu ri sikontu Israel; jaina nia' 10.000 tau. A'jarimi pa'bundukang sannaka suara'na ri wattunna maju anjo tau 10.000 jaina ambunduki Gibea. Tena sikali nasanna-sannai tu Benyamin angkanaya tasalloami nanibeta ke'nanga.