MATIUS 24:33 - KITTA' MATANGKASA'

³³ Kamma tomminjo, punna nucini'mo kajariang anjo passala' le'baka Kupauangko, akkullemi nuasseng angkanaya la'biring dudumi battu Ana' Ma'rupataua.

MATIUS 24:33 ပူးပေါင်းရင်းမြစ်များ

MATIUS 24:32

“Angngalle mako pappilajarang battu ri poko' araya. Punna lu'mu'mo siagang moncongbulomo tangke-tangkenna, kammayatompa appakkaramulami accu'la', akkullemi nuasseng angkanaya la'birimmi battu bambang alloa.

IBRANI 10:37

Nasaba' nia' tattulisi' lalang ri Kittaka angkanaya, “Sinampe' mami nalania'mo battu Ia lalintaka battu; talaNapamonokami wattu kabattuanNa.

YAKOBUS 5:9

Teako ta'liwakki larronu siagang teako sisalakangi, sollanna tena Nahukkungko Allata'ala. U'rangi! A'reppese'mi hakinga! A'birimmi battu!

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

PAPPICINI' 3:20

Ciniki! NiakKa' ammenteng ri dallekang pakke'bu' siagang akkatto' pakke'bu'. Punna nia' allangngereki sa'rangKu, nanasungkeangA' pakke'bu', lantamakKa' ambuntuli; lasipangnganreangA' siagang ia, siagang lasipangnganreangi siagang iNakke.