MATIUS 24:17 - KITTA' MATANGKASA'

¹⁷ Tau niaka irate ri pattongko'na ballaka teami naungi angngalle apa-apa battu lalang ri balla'na.

MATIUS 24:17 ပူးပေါင်းရင်းမြစ်များ

2 SAMUEL 11:2

Ri se'reang karueng, ambangung tinrona Daud, a'jappa-jappai irate ri pattongko' lappara'na balla' kakaraenganga. Battu anjoreng nia'mo sitau baine sitabang a'je'ne', na teai sipato' ga'gana anjo bainea.

AYUB 2:4

Mingka appialimi lapung Panggoda angkana, “Nyawana siagang pakkamalena tubua la'bi lompoangngangi anggaranna na pa'barang-barangnganga. Rellai rupataua angkoro'bangkangi sikontu apa-apanna, assala' akkullei tulusu' attallasa'.

MATIUS 10:27

Apa-apa Kupabattua ri kau lalang ri sassanga, musti nupabattu poleangi lalang ri singara'na alloa. Siagang apa-apa nipa'bicikanga ri tolinnu, pa'la'bangi sa'genna ri kere-keremae!

MATIUS 24:16

Anjo wattua, tau niaka ri pa'rasangang Yudea parallui lari nai' ri buluka.

MATIUS 24:18

Tau niaka ri kokoa teami ammoteri angngallei bajunna.

MATIUS 6:25

Lanri kammana, u'rangi laloi anne; teako ranggaselai ri passala'na katallassannu. Angkanaya apa lanukanre siagang apa lanuinung, kammayatompa apa lanupake ri batangkalennu. Sai la'bi paralluangangi anjo tallasaka naanjo kanrea? Siagang anjo batangkalea naanjo care-carea?

LUKAS 12:3

Apa-apa nubicaraya ri wattunna bangngi, lakalangngerangi ri wattunna singara'; yareka apa-apa nupa'bicikanga mae ri tolinna taua ri kamara' tattongkoka, lanipa'la'bangi mange ri kere-keremae.”

LUKAS 5:19

Mingka lanri teai sipato' jaina tau, takkulleami ke'nanga antama'. Jari naerammi ke'nanga anjo tau pesoka nai' ri pattongko'na anjo ballaka. Nampa nasungke ke'nanga pattongko'na anjo ballaka. Nampa napanaung anjo tau pesoka ri dallekanNa Isa, ri tangnga-tangngana anjo tau jaia.

LAMPA-LAMPANA 10:9

Ammukona alloa, lalang a'jappana ija anjo tunisuroa siagang a'biringamo battu mange ri Yope, nai'mi Petrus ri ballaka ero' appala' doang.

PAOLE 22:8

Punna ambangungko balla', musti apparekko kalli' ri tammulilina biring pattongko'na anjo ballaka. Jari tena nanibattalliko punna nia' tau tu'guru' battu rate ri pattongko'na anjo ballaka sa'genna mate.

1 SAMUEL 9:25

Le'baki anjo naummi ke'nanga battu ri tampa' passambayanganga nampa antama' ri kotaya. Nisaremi Saul katinroang irate ri pattongko'na ballaka,