MATIUS 24:16 - KITTA' MATANGKASA'

¹⁶ Anjo wattua, tau niaka ri pa'rasangang Yudea parallui lari nai' ri buluka.

MATIUS 24:16 ပူးပေါင်းရင်းမြစ်များ

PANGNGEBARANG 22:3

Tau cara'deka a'lili punna accini' bahaya; tau toloa a'jappa tulusuki nampa nituju ri bala.

YEREMIA 44:29

LappabattuA' cilaka mae ri kau ri tampaka anne untu' ampa'butti mae ri kau angkanaya anjo hukkungang Kurancanakanga untu' ikau, kajariang tojeng-tojengi.

YEREMIA 6:1

A'lampako alliliangi kalennu, he sikamma tu Benyamin! Bokoi Yerusalem! Pasa'rai tarompeka ri Tekoa, siagang apparinrako pepe' ri Bet-Kerem salaku pammatei! Niaki battu wara' balaya siagang bahaya lompoa lantujuko.

MATIUS 2:1

Anjorengi ri kota Betlehem, ri pa'rasangang Yudea, nilassukang Isa, ri wattunna Herodes ammarenta. Anjo wattua nia'mo siapa are tucara'de' accini' bintoeng, battu raya mange ri Yerusalem.

MATIUS 24:15

“Lanuciniki sallang ammenteng ri tampa' matangkasaka, ‘Kaja'dallang langngancuruka’, sangkamma le'baka napau Na'bi Daniel.

MATIUS 24:17

Tau niaka irate ri pattongko'na ballaka teami naungi angngalle apa-apa battu lalang ri balla'na.

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.