MATIUS 23:8 - KITTA' MATANGKASA'

⁸ Mingka ikau ngaseng teako eroki nikio' ‘Bapa' Guru’, nasaba' se'reji Gurunnu, na ikau assari'battang ngasengko.

MATIUS 23:8 ပူးပေါင်းရင်းမြစ်များ

MATIUS 10:25

Sukku'mi sa'genna punna a'jari sangkamma ana' gurua siagang gurunna; yareka a'jari sangkamma palayanga siagang karaenna. Punna nigallara'mo Pinggawa setang kapala ruma tanggaya, la'biangampa pole kodina lanigallarrangi bone balla'na!”

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”

MATIUS 23:10

Natea tongko eroki nikio' ‘Pamimping’, nasaba' se'reji pamimpinnu, iamintu Karaeng Mappasalamaka, Napa'janjianga Allata'ala.

MATIUS 23:7

Nangai ke'nanga punna nipakala'biri' ri pasa'-pasaraka, siagang sannang sikali punna nikio' ‘Bapa' Guru’ ri taua.

MATIUS 26:25

Nakanamo Yudas lapung tau la'baluka, “O, Guru, tantu teaiji nakke nataba kananTa?” Nakanamo Isa, “Kamma mintu kanannu!”

MATIUS 26:49

Battuna mange anjoreng ke'nanga, mange memammi Yudas ri Isa na nakana, “Salama', Guru!” Nampa nabau Isa.

MARKUS 10:51

Akkuta'nammi Isa ri ia Nakana, “Apa nukaeroki Kugaukang ri kau?” Appialimi anjo tau butaya nakana, “O Pa' Guru, erokka' accini'.”

MARKUS 11:21

Nau'rangimi Petrus apa le'baka kajariang ri subangngi. Jari akkuta'nammi Petrus ri Isa nakana, “O Bapa' Guru, Kicini' sai! Matemi anjo poko' ara le'baka Kitunrai!”

MARKUS 14:45

Ri wattunna battumo Yudas, mangemi ri Isa na nakana, “O Bapa' Guru!” nampa nabau.

MARKUS 9:5

Nakanamo Petrus ri Isa, “O Pa' Guru, baji' sikali nikasia' anrinni. Bajiki punna ambangungki' tallu kema: se're untu' iKatte, se're untu' Musa, siagang se're untu' Elia.”

LUKAS 22:32

Mingka le'ba' mako Kupappala' doangang Simon, sollanna jarre' tappa'nu. Na punna ammotere' mako pole mae ri Nakke, musti nupakajarreki tappa'na sikamma sari'battannu.”

YOHANES 1:38

Assailemi Isa mae ri boko, na Nacini'mo ke'nanga amminawang ri Ia. Akkuta'nammi ri ke'nanga angkana, “Apa nuboya?” Appialimi ke'nanga angkana, “Ra'bi kemaeki ammantang?” (‘Ra'bi’ battuanna guru.)

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

YOHANES 11:8

Appialimi ke'nanga angkana, “O Bapa' Guru, tenapa nasallo le'batTa ero' nasambila batu tu Yahudia. Angngapa naKiero'moseng ammotere' mange anjoreng kamma-kamma anne?”

YOHANES 20:16

Nakanamo Isa ri ia, “Maria!” Assailemi Maria mae ri Isa, nampa nakana lalang bicara Ibrani, “Rabbuni!” (Battuanna “Guru”.)

YOHANES 3:2

Nia' se're wattu nabattu bangngi mange ri Isa. Nakana ri Isa, “Bapa' Guru, niassemmi angkanaya Allata'ala assuroKi' battu. Nasaba' tenanniakka manna sitau akkulle anggaukangi gau' appakalannasa' sangkamma le'baka Kigaukang, punna tena nanirurungangi ri Allata'ala.”

YOHANES 3:26

A'lampami ke'nanga mae ri Yohanes, na nakana ke'nanga, “Pa' Guru, maka kiu'rangi iji tau le'baka kiagang ri ba'leanna anjo Binanga Yordan, le'baka kipappicinikang ri kambe? Kamma-kamma anne anje'ne' tongi tau, na'lampa ngasemmo taua mange ri Ia!”

YOHANES 4:31

Anjo wattua nikio'mi Isa ri ana'-ana' gurunNa mange angnganre. Nakana ke'nanga, “O Bapa' Guru, mae maKi' angnganre.”

YOHANES 6:25

Ri wattunna assibuntulu' anjo tau jaia siagang Isa ri ba'leanna tamparanga, akkuta'nammi ke'nanga ri Isa angkana, “Ringngapanna Kibattu anrinni Pa' Guru?”

YOHANES 9:2

Akkuta'nammi ana'-ana' gurunNa Isa angkana, “Angngapa nabuta nilassukang anne taua Pa' Guru? Apa lanri dosa kalenna yareka lanri dosana anrong-manggena?”

2 KORINTUS 1:24

Tena nakuero' ampassako ri passala' apa siratanga nupatappa', lanri jarre'namo tappa'nu mae ri Isa. Erokkuji bawang angngagangko sipanjamang, sollannu pila' mate'ne ri tallasa'nu.

2 KORINTUS 4:5

Anjo biritta napabattua ikambe teai biritta ri sesena ikambe. Anjo birittaya, biritta ri sesena Isa Almasi, angkanaya Iami Batara; na ikambemi anne a'jari atannu ngaseng lanri Isa.

EFESUS 3:15

Battu ri Iami sikontu kaluargaya ri suruga siagang ri lino anggappai massing sipa'Na.

FILEMON 1:16

Kamma-kamma anne teaimi poro pajama-jamannu bawang; mingka la'biangampa pole. A'jarimi paranta tu Karisteng sannaka nikamaseanna. Nasaba' sanna' lompona todong matu-matunna mae ri nakke; la'biangampa pole mae ri kau, tantu la'bi lompoangangi matu-matunna. Baji' na'jari pajama-jama, kammayatompa na'jari sari'battang lanri Batara!

YAKOBUS 3:1

Sikamma sari'battangku! Teako jai dudui ero' a'jari guru. Nuassengi angkanaya ikatte a'jari gurua lala'bi terassangangi punna niadeliki' na tau maraenga.

1 PETRUS 5:3

Teako a'jari kammai tau koasa mae ri ke'nanga, nipappirannuanga mae ri kau. Mingka a'jariko conto baji' mae ri ke'nanga.

PAPPICINI' 1:9

Inakke Yohanes, sari'battannu ngaseng, nuaganga' a'julu sessa sangkamma nakasiaka sikontu tau amminawanga ri Almasi. Sa'barakki' angkasiaki kasessanga, lanri ikatte anne umma'Naki'. Nipelakka' mange ri Pulo Patmos passabakkang kupa'la'bangi pappasang battua ri Allata'ala, Napakajarreka Isa lalang ri kasa'bianNa.

PAPPICINI' 19:10

Nampa su'ju'ma' ri dallekanna anjo malaekaka, ero' anynyomba ri ia; mingka nakanamo ri nakke, “Teako! Teako anynyombai ri nakke, mingka Allata'ala nusomba! Nasaba' inakke ata tonja' sangkamma ikau siagang sikontu sari'battannu anna'gala' jarreka mae ri biritta tojenga, Napabattua Isa!” Nasaba' iaminjo kasa'bianga mae ri Isa assarei taua pangngissengang untu' ampabattui biritta battua ri Allata'ala.

PAPPICINI' 22:9

mingka nakanamo mae ri nakke, “Teako! Teako anynyombai ri nakke! Allata'alamo nusomba! Nasaba' inakke ata tonja' sangkamma ikau, sangkamma sikontu sari'battannu na'bi-na'bia, kammayatompa sikontu tau amparhatikangai sikamma pappakaingaka lalang ri anne kittaka!”