MATIUS 23:39 - KITTA' MATANGKASA'

³⁹ Asseng memammi angkanaya: Appakkaramula ri kamma-kammaya anne tenamo nalanucinikKa', sa'gengKu battu poleang sallang nanukanamo, ‘Nibarakkakimi Ia battua lalang arenNa Batara.’ ”

MATIUS 23:39 ပူးပေါင်းရင်းမြစ်များ

PAMMUJI 118:26

Nibarakkakimi niaka battu lalang arenNa Batara, nibarakkakiko ri kambe battu ri Balla'Na Batara.

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

MATIUS 21:9

Nampa a'jappa anjo tau jaia ri dallekanNa siagang ribokoNa Isa. Akkiok-kio'mi ke'nanga angkana, “Nipakalompoi Ana'na Daud! Nibarakkakimi battua lalang arenNa Batara! Nipujimi Allata'ala Kaminang Tinggia!”

LUKAS 17:22

Le'baki anjo Nakanamo Isa ri ana'-ana' gurunNa, “Lanarapiki sallang wattunna nanuero' anciniki se'rea allo ri allo kabattuanNa Ana' Ma'rupataua, mingka takkulleako anciniki.

YOHANES 14:19

Sinampe' mami natenamo nakkulle linoa ancinikKa'. Mingka ikau ngaseng lanucinikKa'. Na lanri attallasakKa', iaminjo nuttallasa' ngaseng todong.

YOHANES 14:9

Mingka appialimi Isa Nakana, “Teaimi sipato' salloKu nia' ri tangnga-tangnganu, mingka tenapa nanuassengA' Filipus? Inai-nai le'ba'mo ancinikKa', nacini' tommi antu Manggea. Apa saba'na nukkulle angkana, ‘Kipicinikiang sai bedeng ikambe anjo Manggea?’

YOHANES 8:21

Nakanamo pole Isa ri ke'nanga, “ErokKa' a'lampa sallang, siagang lanuboyA'; mingka lamate ngasengko lanri dosa-dosanu. Ri tampa' laKumangeia, takkulleako mange anjoreng.”

YOHANES 8:24

Lanri kammana minjo naKukana ri kau ngaseng, angkanaya lamate ngasengko lanri dosa-dosanu. Na memang lamateko lanri dosa-dosanu punna tena nutappa' angkanaya, ‘INakkeminne nikanaya INAKKE NIA'.’ ”

YOHANES 8:56

Sannang sikali nyawana manggenu Abraham lanri lanaciniki allongKu. Ba'lalo nacini'mi siagang sannammi nyawana!”

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,